देहरादून। उत्तराखण्ड क पारम्परिक पर्व ईगास बग्वाळ (बूढ़ी दीवाली) प्रदेश भर मा कति जगों पर मनेंगे। मुख्यमंत्री आवास मा ईगास बग्वाळ पर्व हर्षोल्लास, पारम्परिक आस्था अर सांस्कृतिक गौरव का दगड़ि बड़ा धूमधाम सि मनै।
ऐ मौका पर विभिन्न सांस्कृतिक दलों न पारम्परिक लोकगीत व लोक नृत्व की प्रस्तुति दे। हारूम, झुमेलो चांचरी, धडिया, जागर अर अन्य पारम्परिक नृत्यद गायन न ये कार्यक्रम तें जीवंत बणै दे। ऐ मौका पर मुख्यमंत्री – व अय लोगुन भैलो भी खेली। कार्यक्रम मा राज्यपाल, कति मंत्री, पूर्व मुख्यमंत्री, अर विधायक समेत कति गणमान्य लोग मौजूद छा। एक होर कार्यक्रम मा डांडी-कांठी क्लब न ईगास पर्व बड़ी ध मधाम सि मनै। ऐमा कैबिनेट मंत्री सतपाल महाराज मुख्य अतिथि छा।
सामुदायिक भवन ग्राउंड बंजारावाला मा बलूनी फाउंडेशन द्वारा ईगास महोत्सव मनै।
कार्यक्रम कु नौ छै ‘समळौण’ ये भौत ही दिव्य अर भव्य कार्यक्रम ह्वे। कार्यक्रम मा कल्पना चौहान, सौरभ मैठाणी, रोहित चौहान, अभिनव रावत, तुषार डिमरी, प्रशांत गंगोडिया आदि कलाकारों न सुंदर प्रस्तुति दे। ऐ मौका पर भैला बि खेलेगेन। कार्यक्रम मा पहाड़ी पहाड़ी भोज कि बि स्टॉल लगेगै छा। कुल मिलै कि कार्यक्रम भौत शानदार रै। रुद्रप्रयाग मा इगास पर्व भव्य रूप सि मनैगै। गुलाबराय क्रीड़ा मैदान मा ह्वे। ये कार्यक्रम मा प्रभारी मंत्री सौरभ बहुगुणा
मुख्य अतिथि छा। जिलाधिकारी प्रतीक जैन कु गढ़वाली भाषा मा संबोधन न जनमानस कु दिले जीते। मुख्य अतिथि न भैला जलै कि ईगास पर्व कु शुभारंभ करि।
About the Author
