रंत रैबार ब्यौरो…..
देहरादून। मुख्य सचिव आनन्द वर्द्धन न एमडीडीए तैं सहस्त्रधारा रोड़ स्थित ट्रैचिंग ग्राउण्ड तै आधुनिक सुविधाओं युक्त पार्क का रूप मा विकसित कन्न का निर्देश देनि।
वूँन ये पार्क तै सिटी पार्क की भांति विकसित कन्न बोलि। वूँन सचिवालय मा सहस्त्रधारा ट्रेचिंग ग्राउण्ड पार्क क निर्माण संबंधी प्रस्तुतिकरण क अवलोकन कर्द निगम आयुक्त नमामि बंसल तैं ट्रेचिंग ग्राउंड बटि जल्दी सि जल्दी कचरा का निस्तारण वास्ता निर्देश देनि।
मुख्य सचिव न बोलि कि शहर मा बढ़दी आबादी अर यातायात दबाव आदि क मध्य शहर मा आधुनिक पों की नितांत जरूरत छ। वूँन निर्देश देनि कि ये पार्क का ओपन जिम, जागिंग ट्रैक साईकिल ट्रैक, मल्टीपरपज हाल, बालीवाल अर बैडमिंटन कोर्ट ओपन थियेटर, योगा मेडिटेशन आदि कि बि ये मा व्यवस्था करे जाव।
वूँन निर्देश देनि कि ये काम मा सीमेंट व कंक्रीट कु कम सि कम उपयोग हो। ग्राउण्ड वाटर तैं रिचार्ज कन्न वास्ता वाटर फाउंटेन आदि की बि ये मा व्यवस्थ रखे जाव।
मुख्य सचिव न एमडीडीए का उपाध्यक्ष वंशीधर तिवारी तैं पार्क क लेआउट जल्दी बनें कि यांकि डी.पी तैयार कन्न का निर्देश देनि। वून बोलि कि ये काम मा प्रदूषण नियंत्रण बोर्ड कु बि सहयोग लिए जाय।
About the Author
