रंत रैबार ब्यूरो….
देहरादून। आण वला मानूसनं सीजना दौरान बर्खा अर भूस्खन जन चुनौतियों से निपटणा वास्ता राज्य सरकार न पहाड़ी अर दुर्गम क्षेत्रों मा खाद्यान्न आपूर्ति का वास्ता कमर कसेली। बरसाता मौसम मा रस्ता बंद हूण अर संपर्क टुटणे आशंका तै देखी प्रदेशा पहाड़ी जनपदों मा जुलाई, अगस्त अर सिंतबर यानी पूरा तीन मेहनों राशन एक साथ उपलब्ध कराणे विशेष
व्यवस्था करीं छ। शासन स्तर बटि मिली जानकारी का अनुसार, पहाड़ी जनपदों का दूर दराजा इलाकों मा सरकारी गोदमों मा तीन मेहन राशन पैलि बटि पहुंचेली। यांकु मुख्य उद्देश्य यु छ कि अगर मानसूना दौरान सड़क टुट गेन या परिवहन व्यवस्था रूक गी तब आम जनता तैं राश्ना वास्ता कैं बि प्रकारे परेशानी कु सामणा नि कन्न पोडू। ई बार चारधाम यात्रा मार्ग से जुड्यां जनपदों मा राशने
आपूर्ति तैं प्राथमिकता दी छ। यूं रूटों परे स्थित गोदामों मा टैम परे राशन भेजेली। विभाग न सभ्भि जिला आपूर्ति अधि कारियों तैं सख्त निदेश दियांन किवू राशने उपलब्धता अर वितरण प्रणाली परे चौबीस घंटा नजर रखुन। कै बि आपातकालीन स्थिति बटि निपटणु वास्ता गोदामों मा अतिरिक्त खाद्यान्न भंडार (बफर स्टॉक) बि सुरक्षित रखणा निर्देश दियांन।
About the Author
