रंत रैबार ब्यौरो…….
देहरादून। पंजाब यूनिवर्सिटी चंडीगढ़ा गोल्डन जुबिली हाल मा हिंदी अर गढ़वालि का वरिष्ठ साहित्यकार, बलवंत सिंह रावत कविराज को गढ़वाली काव्य संग्रह ”सुख कु सन्देश’ लोकार्पित हे। लोकार्पण समारोह मा चंडीगढ़ अर ओरा-धोरा गढ़-साहित्य प्रेमी, रंगकर्मी त उत्तराखंडी सामाजिक अर सांस्कृतिक संस्थाओं का प्रतिनिधि सामिल हेनि ।
लोकार्पण समारोह का प्रमुख वक्ता दैनिक ट्रिब्यून का सहायक सम्पादक अरुण नैथानीन काव्यसंग्रे’ सुख कु सन्देश’ पर समीक्षात्मक टिपण्णी करीन । गढ़वालि लिख्वार, नाट्य-कर्मी अर रंगमंच अर सांस्कृतिक – सामाजिक गतिविध्यूम बलवंत रौता द्वी दगिड्या, दीनदयाल
दे सुंदरियाल ‘शैलज’ अर चंडी भट्ट भारतीन ठूंका समग्र व्यक्तित्व अर कृतित्व पर रैनि। जानकारि । वैदिनहि 91 साल पूरा करण वाळ कविराज अज्यों भि साहित्य रचना म सक्रिय छन । अबि तलक वूक द्वी गढ़वाली काव्य संग्रे ‘गढ़ गीतिका’ अर ‘सुख कु सन्देश’ अर तीन हिंदी कविता पोथि ‘काया के खंडहर’, ‘वासंती यादें’ व ‘आखों के समंदर’ छपे ग्येनि। बलवंत रौत रामलीला, नाट्य मंचा कुसल कलाकार बि छन अर कै
साल तलक गढ़वाल सभा सांस्कृतिक सचिव
रौत जी कु नौन्याल विकास रौत अर
नौनि शशि, योजना अर सीमा ये आयोजन का करता धरता छा। ये मौका पर य बि घोषणा ह्वे कि युवा उत्तराखंडी
साहित्यकारुकि मदता वास्ते रौत परिवार हर साल गढ़वालि/कुमाउनी द्वी पोथि (एक गद्य एक पद्य) फिरीम छपवालो अर रचनाकारू तैं ‘बलवंत सिंह रावत कविराज सम्मान’ देणाकु चंडीगढ़ म समारोह उरं ये जालु !
समारोह समापन से पैलि आमंत्रित वक्ताओं तै अंगवस्त्र व एक पौधा अर्पण करेगे त डॉ विष्णु पाण्डेय अर दीनदयाल सुंदरियालन कविराज जी तैं अपणि पोथि
भेंट करीन। बलवंत रौत जी न सव्या मॅमानु धन्यवाद अपणि द्वी रचना सुणाइक करि अर सीमा व योजना ल बुवाजी लिख्यां द्वी गीत गैनि। संचालन बि योजना रावत न करि । बलवंत रौता गढ़कला संगमा दगड्या राजेंन्द्र नेगी, मुरली नवानी, सुनीता जुयाल, राजेन्द्र उनियाल समेत चंडीगढ़म गढ़ समाजा अग्रणी शकर सिंह पंवार प्रधान गढ़वाल सभा, बीरेंद्र कंडारी, महासचिव, प्यार सिंह राणावत सांस्कृतिक सचिव, उत्तराखंड युवा मंच का पूर्व प्रधान धर्मपाल रावत, पुष्पेन्द्र गुसाई, नरेन्द्र रावत, शिक्षाविद डॉ विष्णु पाण्डेय, एम् एन शुक्ला, प्रकाश बलूनी (मास्टरजी) अर जगदीश असवाल, दीपक रावत, श्रीमती रंजनी, श्रीमती रोशनी रावत, फिल्म कलाकार देवेन्द्र मुडेपी आदि ये आयोजन म उपस्थित रैनि ।
About the Author
