गणतंत्र दिवस का उपलक्ष मा ह्व भाषा संगोष्ठी अर कवि सम्मेलन….

रंत रैबार ब्यूरो

नई दिल्ली। 77वे गणतंत्र (26 जनवरी 2026) क उपलक्ष मा गढ़वाली कुमाउनी जौनसारी अकादमी दिल्ली सरकार द्वारा एक भव्य साहित्यिक गोष्ठी व कवि सम्मेलन कु आयोजन करे गे. सुबेर 11 बजि दीप प्रज्वलित करि ये कार्यक्रम कि सुरुवात संस्कृत आकदमी का सभागार झंडेवालान मा हे। अकादमी का सचिव – संजय गर्ग द्वारा सव्या मैमानुक टोपी पैरिक स्वागत करि. या संगोष्ठी चार सत्रों मा हे। पैलु सत्र छौ ‘उत्तराखण्ड के नाटक / लोक नाट्य का आज और कल’. ये विषय फर अपणा विचार रखणा वळा रंगकर्मी हेम पंत, मनोज चंदोला, वरिष्ठ साहित्यकार रमेश चंद्र घिल्डियाल ‘सरस’, सुप्रशिद्ध रंगकर्मी सुश्री सुशीला रावत छ्या. यौँ सब्या – वक्ताओंन विस्तृत रूप से ये विषय पर चर्चा करि अर नाटकक आज तक को इतिहास से परिचित करै. संगोष्ठी को दुसरु सत्र – मा ‘उत्तराखण्डी लोक संस्कृति क विभिन्न आयाम’ विषय फर गहन चर्चा ह्वे। ये विषय – फर चर्चा कन्न वळा जानकार विरेन्द्र नेगी – ‘राही’, कमल कर्नाटक, वरिष्ठ साहित्यकार खजान दत्त शर्मा, हाई हिलर्स

ग्रुप का अध्यक्ष डा. सतीश कालेश्वरी प्रमुख छया. दोफारा भोजन उपरांत का द्वि सत्रों मा प्रथम सत्र ‘उत्तराखण्ड के साहित्य की अनवरत यात्रा’ फर संगोष्ठी ह्वे। ये संगोष्ठी मा भाग लीण वळा वक्ता हिंदी अकादमी का पूर्व सचिव सर्वश्री डा. हरी सुमन बिष्ट

, वरिष्ठ पत्रकार चारु तिवारी, वरिष्ठ साहित्यकार पूरन चंद्र काण्डपाल व वरिष्ठ साहित्यकार रमेश चंद्र घिल्डियाल ‘सरस’

, छ्या। यौं सब्या विद्वानों भौत भलि अर ज्ञानवर्धक चर्चा करि. द्वित्रीय सत्र मा कुमाउनी गढ़वाली व जौनसारी कवि सम्मेलन मा सब्या आमंत्रित कवियों अपणि प्रतिनिधि रचनाओं को कविता पाठ करि।

कव्यपाठ कन्न वळा आमंत्रित कवियों मा सर्वश्री रमेश हितैषी, राम सिंह तोमर, नीरज बवाड़ी, सुश्री पूनम तोमर, डॉ पुष्पलता भट्ट,डॉ हेमा उनियाल, प्रदीप रावत खुदेड़, जयपाल सिंह रावत ‘छिपड़दा’ अर जगमोहन रावत छया. ये सत्र का सब्या साहित्यकार अर कवियों कु स्वागत अकादमी सचिव संजय कुमार गर्ग द्वारा करे गे।

ये संगोष्ठी मा आमंत्रित साहित्यकार, कवि, संस्थाओंक प्रतिनिधि, पत्रकार, राजनीतिज्ञ और सामाजिक कार्यकर्ता मौजूद छया। जैमा ये कार्यक्रम की समस्त पृष्ठभूमि तैयार करण वळा वरिष्ठ साहित्यकार सर्वश्री दिनेश ध्यानी, वरिष्ठ साहित्यकार चन्दन प्रेमी, दर्शन सिंह रावत, ओम प्रकाश आर्या, जोगा राम आर्य, रोशन लाल ‘ हिन्द कवि’, भगवती प्रसाद जुयाल गद्देशी, वीरेंदर जुयाल उपरि, चंद्र सिंह रावत ‘स्वतंत्र’, दिवान सिंह नेगी, जबर सिंह कैंतुरा, हाई हिलर्स ग्रुप का प्रतिनिधि रंगकर्मी सर्वश्री खुशाल सिंह बिष्ट, रमेश ठंगरियाल, राकेश गौड़, शशि बडोला खीमा नन्द पांडेय, गौरी रावत, रविंद्र गुड़ियाल, महेंद्र रावत, वरिष्ठ पत्रकार सुरेश नौटियाल, चंद्र मोहन पपनै, सतेंद्र सिंह रावत, समाज सेवी विनोद रावत, हरी दत्त शर्मा, दिनेश घिल्डियाल, सुल्तान सिंह तोमर, महिला शक्ति मा श्रीमती प्रोमिला तोमर, विजय लक्ष्मी बेदवाल, मीना कालेश्वरी, अंजू पुरोहित, शिवानी बेलवाल जी, कुमाउनी भाषा साहित्य एवं संस्कृतिक समिति कअध्यक्ष सुरेंद्र हालसी , उपस्थित छ्या। ये संगोष्ठी संयोजन मा डॉ सतीश कालेश्वरी, द हाई हिलर्स ग्रुप की अहम भूमिका है. जैक बैनर तले गढ़वाली कुमाउनी अर जौनसारी अकादमी दिल्ली का तत्वाधान मा यु कार्यक्रम संपन्न ह्वे । मंच कु संचालन रमेश हितैषी अर नीरज बवाड़ी द्वारा करे गे।