Oplus_16908288
रंत रैबार ब्यूरो…..
रूद्रप्रयाग। ऐंचा हिमालयी क्षेत्रों मा बर्फबारी कु सिलसिला जारी च, बर्फबारी का बीच बाबा केदारे पावन नगरी पूरा तरीका से बर्फ मा ढकगि। धाम मा 3-4 फीट तके बर्फ जमी च, जबकि तापमान शून्य सि 16 डिग्री मुड़ी पहुंचगि।
यू चुनौतीपूर्ण हालातों का बीच आईटीबीबी अर पुलिस जवान पूरी निष्ठा अर साहसा दगड़ि सुरक्षा व्यववस्था संभलना छन। कडाके की ठंड, तेज
बर्फीली हवा अर कठिन परिस्थितियों का बीच जवान धाम परिसरा दगड़ि आसपासा संवेदनशील क्षेत्रों मा लगातार गश्त लगाणा छन। विशेष बात या च कि गणतंत्र दिवसा अवसर पर यूं हिमवीरों न भारी बर्फबारी का बीच तिरंगा फेहरे की देशभक्ति अर कर्तव्यनिष्ठा कु उदाहरण प्रस्तुत करि।
मंदिरा कपाट बंद हूंणा बाद।
बि सुरक्षा बल केदारनाथ मास्टर प्लाना अंतर्गत बण्यां सरकारी संपत्तियों की निगरानी अर धामे सुरक्षा कु दायित्व पूरी मुस्तैदारी सि निभाणा छन। मौसम विभाग तर्फ बटि जारी अलर्ट अर हिमस्खलने संभावनाओं तें देखी पुलिस प्रशासन न जवानों तैं और ज्यादा सतर्कता बरतणा निर्देश दियां छन। एस.पी. अक्षण प्रहलाद न बतै कि कठिन भौगोलिक
परिस्थितियों का बावजूद सुरक्षा बलों कु मनोबल पूरी तरह से ऐंच च अर केदानाथ धाम सुरक्षा व्यवस्था पूरा तरीका से चाक-चौबंद च। दूससी तर्फ कुंड-चोपता राजमार्ग (एनएच 107) 50-57 किमी का बीच बर्फबारी का कारण बंद ह्वेगि। मिनी स्विट्जरलैंड चोपता क्षेत्र मा लगातार बर्फबारी जारी च। रस्ता बंद हूंण से सैकड़ों यात्री फस्यां छन। संबंधित विभाग तर्फ बटि रस्ता खुलणा वास्ता लगातार प्रयास करे जाणा छन।
About the Author
