रंत रैबार ब्यूरो…..
नई दिल्ली। खुणि दि हाई हिलर्स ग्रुप दिल्ली न गढ़वाली, कुमाउनी, जौनसारी अकादमी का संयुक्त तत्वावधान म एलटीजी सभागार, मंडी हाउस म सुप्रसिद्ध नाटककार राजेन्द्र धस्माणा द्वारा लिखित चर्चित नाटक अर्द्धग्रामेश्वर कु सफल मंचन कैरी। ये नाटक कु निर्देशन सुप्रसिद्ध नाटककार, रंगकर्मी बृजमोहन वेदवाल न कैरी। दर्शकों ला नाटक की भौत प्रसंशा कैरी। सब्बि कलाकारों ला अपरी भूमिका भौत सिद्दत से निभै। सभागार म लोगों की खचाखच उपस्थिति म नाटक की साज, सज्जा, लाइट, व्यवस्था एकदम चकाचक छै। काफी लम्बु नाटक छौ पर कथानक ला लोगों तैं निराश नि कैरी।
नाटक म प्रमुख कलाकारों म हरि सेमवाल, दर्शन सिंह रावत, डॉ सतीश कलेश्वरी, बृजमोहन वेदवाल, रमेश ठांगरियाल, उनिता सच्चिदानन्द, सविता पंत, उमेश बंदूनी, राकेश गौड़, गीता गुसाईं नेगी, जगमोहन रावत, रविंद्र गुडियाल, अंजू पुरोहित, शशि बडोला, धर्मेंद्र प्रसाद, महेंद्र रावत, भारत बिष्ट, आई पी उनियाल, किरण रामपाल, दीनदयाल जुयाल, लक्ष्मी जुयाल आदि छाया। निर्देशक बृजमोहन वेदवाल, सह निर्देशक रमेश ठंगरियाल, संगीत राकेश गुसाईं, सुरेंद्र सिंह, धर्मेंद्र प्रसाद कोरस गायन कुसुम बिष्ट, धनेश्वरी नैथानी, किरण रामपाल, नृत्य सामूहिक गीता गुसाईं नेगी लक्ष्मी जुयाल, सविता पंत, अंजू पुरोहित, पुष्पा देवली, मंजू भट्ट आदि कु छौ। प्रकाश संयोजन – हरि सेमवाल व महेंद्र रावत कु छौ । ध्वनि संचालन – अक्ष रामपाल कु छौ। शीर्षक गीत बरिष्ठ रंगकर्मी गिरधारी रावत कु छौ।
सभागार म दर्शकों म साहित्यकार, भाषा प्रेमी, समाजसेवी तमाम लोग उपस्थित छाया जौं म डीपीएमआई का चेयरमैन डॉ विनोद बछेती, गढ़वाली,कुमाउनी, जौनसारी अकादमी का रमेश तिवारी, भारती मनराल, मुख्यमंत्री उत्तराखण्ड क मीडिया सलाहकार मदन मोहन सती, लोकगायिका कल्पना चौहान, संगीतकार राजेंद्र चौहान, सुप्रसिद्ध समाजसेवी भास्करानंद कुकरेती, सुप्रसिद्ध समाजसेवी व उत्तराखण्ड लोक मंच का अध्यक्ष बृजमोहन उप्रेती, उत्तराखंड लोक भाषा साहित्य मंच का संयोजक साहित्यकार दिनेश ध्यानी, द्वारिका प्रसाद चमोली समाजसेवी अनिल पंत, गढ़वाल हितैषिणी सभा का महासचिव पवन मैठाणी, पूर्व अध्यक्ष अजय सिंह बिष्ट, दयाल नेगी, सुनील नेगी, रेनू उनियाल समेत कै लोग उपस्थित छाया।
नाटक का सूत्रधार बृजमोहन वेदवाल छाया। कुल मिलैकि नाटक लोगों ल भौत पसंद कैरी।
About the Author
