रंत रैबार ब्यूरो……
गोपेश्वर । गोपेश्वर चमोली जनपद क दूरस्थ ग्रामीण क्षेत्र का रैबासी बाल साहित्यकार एवं युवा सामाजिक कार्यकर्ता कार्तिक तिवारी ‘पहाड़ी’ साहित्य, संस्कृति, पर्यावरण संरक्षण अर सामाजिक जागरूकता क क्षेत्र म उल्लेखनीय काम करणा छन। कम उम्र म बि कार्तिक हिंदी एवं गढ़वाली भाषा म 244 से अधिक कविताएँ व 35 कहानि बि लिखीं छन। अब तलक 700 से अधिक मंचों म प्रस्तुति दे चुकिगैन। अर 128 से अधिक साहित्यिक एवं सांस्कृतिक आयोजनों म प्रतिभाग कैरि चुकि गैन।
कार्तिक की रचनाओं म पर्यावरण संरक्षण, वनाग्नि रोकथाम, नशा मुक्ति, स्वच्छता, प्लास्टिक उन्मूलन, सड़क सुरक्षा अर मतदाता जागरूकता जना विषयों पर आधारित छ.न. वॉल वन विभाग का साथ मिलिकै वृक्षारोपण एवं वनाग्नि जागरूकता अभियानों म सक्रिय योगदान देन।
प्लास्टिक कचरा कु पुनः उपयोग तैं बढ़ावा देण खुणि बेकार प्लास्टिक की बोतलों तँ रंग-रोगन कैकि बीज ट्री-गार्ड तैयार करींन, जौंकु उपयोग पौधों व बीजों की सुरक्षा खुणि तैयार करेगैन ।
सामाजिक जागरूकता क क्षेत्र म बालकवि कार्तिक नशा मुक्ति पर आधारित लघु फिल्म ‘जहर की राह’ म मुख्य भूमिका निभै तथा गढ़वाली फिल्म ‘रिखुली’ म बि अभिनय कैरि। कार्तिक की कविताओं कु प्रसारण ऑस्ट्रेलिया कु रेडियो मंच पर बि ह्वे चुकिगैन।
दगड़ि कार्तिक ला गौरा देवी सम्मान 2022, गढ़ गौरव सम्मान 2023 अर बाल
प्रतिभा सम्मान 2026 सहित कई सम्मानों से नवाजै जै चुकि गे है। बालकवि कार्तिक तिवारी कु अद्भुत कार्य से युवा पीढ़ी बि सीख लेणी च। दगड़ा दगड़ि समाज तैं पर्यावरण व सामाजिक सरोकारों का प्रति जागरूक करणा छन। कुल मिलैकि बालकवि कार्तिक तिवारी ने सिर्फ एक कवि छन बल्कि पर्यावरण, नशामुक्ति, सामाजिक चेतना का प्रति समाज तैं बरौबर जागरूक करणा छन। गढ़वाली भाषा का संरक्षण व प्रचार प्रसार म बि कार्तिक तिवारी कु योगदान नै पीढ़ी खुणि अनुकरणीय छ। यनु प्रतिभावान बाल कवि कार्तिक तिवारी से हमतें भौत उम्मीद छन।
About the Author
