Oplus_16908288
रंत रैबार ब्यूरो
देहरादून। गैरसैंण तैं उत्तराखण्ड की स्थाई राजधानी बणाण की मांग तैं लेकि फिर उग्र आंदोलन होणु छ। स्थायी राजधानी गैरसैण समिति न सरकार क खिलाफ आर-पार की लडै कु ऐलान करि यालि।
समिति न 15 अगस्त बटि देहरादून सि गैरसैण तक महा पदयात्रा शुरू कन्नै की घोषणा करि।.
समिति कु वुन्न छे कि वून दिल्ली, देहरादून, कर्णप्रयाग, चौखुटिया अर रूद्रप्रयाग म प्रदर्शन करि चुकिन अर देहरादून घरनास्थल पर 100 दिन सि जादा दिनो बटि क्रमिक अनशन चलाणा छन। आंदोलनकारियों कु आरोप छ कि सरकार लगातार गैरसैण क मुद्दा पर जनता तैं आश्वासन देंद रैंद पर क्वी निर्णायक कदम नि उठै।
समिति क मुख्य संयोजक पूर्व आई.ए.एस. विनोद प्रसाद रतूड़ी, पार्थ रतूड़ी, गोपाल दत्त कुमेडी, सुधीर गैरोला, शैलेन्द्र शेखर करगेती न बोलि कि गैरसैंण तैं स्थायी राजधानी घोषित करै जाण तक आन्दोलन जारी रौलु।
About the Author
