रंत रैबार ब्यूरो
देहरादून। मुख्यमंत्री पुष्कर सिंह धामी न प्रदेश मा आवश्यक वस्तुओं के दामों पर प्रभावी नियंत्रण बणै रखण अर आम जनता तैं उचित दामों पर आवश्यक वस्तुओं की उपलब्धता सुनिश्चित कन्न का निर्देश देनि।
वून बोलि कि कालाबाजारी जमाखोरी अर मुनाफाखोरी का माध्यम सि कृत्रिम रूप सि दाम बढाणा वलो का खिलाफ सख्त कार्यवाही करे जाव।
मुख्यमंत्रअधिकारियों तैं निर्देश देनि कि खाद्य अर नागरिक आपूर्ति विभाग समेत संबंधित विभाग बाजार मा आवश्यक वस्तुओं की उपलब्धता अर वृंका दामों की नियमित निगरानी रखुन। वून बोलि, कि यु बि सुनिश्चित करे जावं कि कै बि स्तर पर आवश्यक वस्तुओं की कृत्रिम कमी पैदा कर आम जनता सि जादा पैसा न वसूले जावन।
वून बोलि कि बाजार मा मांग अर आपूर्ति की स्थिति पर बि लगातार नजर रखी जाव अर जरूरत का हिसाब सि
समयबद्ध अर प्रभावी कदम उठै जावन। मुख्यमंत्री न निर्देश देनि कि सबि जिलों मा प्रशासन द्वारा नियमित रूप सि बाजारों कु निरीक्षण करे जाव अर कालाबाजारी, जमाखोरी अर निर्धारित मानकों का उल्लंघन पाये जाण पर संबंधित क विरूद्ध नियमानुसार कठौर कार्रवाही सुनिश्चित करे जाव।
वून बोलि कि राज्य सरकार आम जनता क हितों की रक्षा वास्ता प्रतिबद्ध छ। मुख्यमंत्री न बोलि कि आवश्यक वस्तुओं क मूल्यों मा अनावश्यक वृद्धि कु सीधु प्रभाव आम जनता क घरेलु बजट पर पड़द। ये वास्ता मूल्य नियंत्रण सि संबंधित सबि व्यवस्थाएं प्रभावी अर पारदर्शी होण चैंदन।
About the Author
