रंत रैबार ब्यूरो
देहरादून। उत्तराखंड जु मध्य हिमालय मा स्थित छ यख हिमनद झीलों की संख्या बढणी छ। यांका अलावा जु झील छन वू का क्षेत्रफल बि बढणु छ। बतै जांद कि यु बदलाव पिछला 12 वर्षों सि होणु छ।
वाडिया हिमालय भू विज्ञान संस्थान न उत्तराखण्ड मा वर्ष 2013 सि 2025 क बीच हिमनद झीलों की संख्या अर
बदलाव पर अध्ययन करि छो। संस्थान का मुताबिक 2013 मा जु झील 1266 छै वू 2025 मा बड़ी कि 1290 ह्वेगि यानि कि 20 झील बड़ी गेन यूं का अंदर मोरेन डैम लोक जादा छन। पैली यू कि संख्या 218 छै जु अब 12 वर्ष बाद 287 हे गेन। यां का अलावा ग्लेशियर इरोजन झीलों की संख्या 77 सि बढिकि 164 द्वेगेन। अगर यू का क्षेत्रफल की बात करे जाव त पैली हिमनद झील 7594871 वर्ग मीटर क्षेत्रफल
मा छै जु अब बढि कि 8212630 वर्ग मीटर तक पौछि गेन। वाडिया हिमालय भू विज्ञान संस्थान का वैज्ञानिक डा. मनीष मेहता कु बुलण छ कि हिमनद झीलों की संख्या मा वुन त भौत बढ़ोतरी नि ह्वे पर वू का क्षेत्रफल मा 8.1 प्रतिशत की बढ़ोतरी है। एनडीएमए न राज्य मा 13 सबसि अधिक संवेदनशील झीलों तै चिन्हित करिन यु झील चमोली, उत्तरकाशी, टिहरी, पिथौरागढ़ अर बागेश्वर जिला मा छन।
About the Author
