रंत रैबार ब्यौरो…..
चमोली। सामरिक दृष्टि सि महत्वपूर्ण औली मा भारत अर अमेरिका का सेनाओं कु संयुक्त अभ्यास चलणू छ। द्वी देशों क सैन्य विशेषज्ञ उभरती सैन्य तकनीक अर बहु क्षेत्रीय युद्धै बदलदी जरूरतों तैं लेकि अनुभव साझा करला।
ये अभ्यास कु मुख्य उद्देश्य पहाड़ि अर अर्ध पहाड़ी क्षेत्रों मा संयुक्त अभियान
संचालित कन्नै की क्षमता तैं मजबूत कन्न छ। ये अभियान मा द्वी सेनाएं कठिन भौगोलिक परिस्थितियों मा संयुक्त योजना, अभियान संचालन अर पैदल सेना आधारित युद्ध कौशल कु अभ्यास करलि।
औली की ऊंचै अर चुनौतीपूर्ण भौगोलिक परिस्थितियां अमेरिकी सैनिकों वास्ता विशेष प्रशिक्षण कु अवसर उपलब्ध करालि, वखी भारतीय सैनिकों तें अमेरिकी
सेना की आधुनिक युद्ध तकनीक अर संचालन पद्धतियों सि अनुभव हासिल कन्न कु मौका मिललु। यीं मरतबा अभ्यास का आधुनिक तकनीक पर बि विशेष जोर दिये जाणू छ। निगरानी अर टोही अभियानों क दौरान ड्रोन व स्वायत्त प्रणालियों कु इस्तेमाल करे जालु। राजस्थान की महाजन फील्ड फायरिंग रेंज मा आधुनिक हथियारों कु प्रदर्शन बि होलु।
About the Author
