(अनिता ढौंडियाल कोटद्वार)
सामान – करेला आधा किलो
प्याज द्वि बड़ा, धणिया एक चम्मच, हल्दी आधा चम्मच, लाल मर्च आधा चम्मच, किचन किंग मसलू एक चम्मच, सौंफ मोटू एक चम्मच, कड़ु तेल द्वी बड़ा चम्मच, एक छ्वटु चम्मच चिन्नी
बणाणू सगोर
सबसे पैली करेला साफ़ ध्वेकि खुर्च द्या
अब गोल गोल कटिकि भितरो गूदा निकाल द्या
बीज छन त ऊतैं भि बरीक काट द्या
खुर्चृयूं करेला चट्ट निचोड़ी गूदा दगड़ी मिलै द्या
गैसम कड़ै मा तेल गरम करा
करेला छल्ला तैलिकि अलग धैर द्या
अब बच्यां तेल मा प्याज थोड़ा देर तक भूटा
अब करेला कू गूदा अर खुर्चन भि प्याज दगड़ी भूटा हल्कू लाल
होण पर सब्या मसला भि भूना लोण भि अन्दाजन डाला
अब करेला का छल्ला भि मिलै द्या खूब अच्छी तरह मिलावा तीन चार मिनट तक ढक्कन लगैकि कम झौल मा पकावा
फिर अच्छी तरह मिलावा मसलू छल्लौं मा भुरे जांदूं
मसला मा एक चम्मच अमचूर पाउडर भि मिलौंण
ल्या ह्वेगी तैयार द्वि तीन दिन फ्रिज मा रखी खै सकदन
About the Author
