रंत रैबार ब्यूरो……
देहरादून। मुख्यमंत्री पुष्कर सिंह धामी न मुख्य सेवक सदन मा उत्तराखण्ड भाषा संस्थान द्वारा आयोजित उत्तराखण्ड साहित्य गौरव सम्मान समारोह 2025 मा उत्तराखंड का सबसे बड़ा साहित्यिक सम्मान उत्तराखंड साहित्य भूषण सम्मान सि डा. जितेन ठाकुर हैं सम्मानित करि। यांका दगड़ि मुख्यमंत्री न डा. बुद्धिनाथ मिश्र, श्याम सिंह कुटौला, डा. प्रीतम, केसर सिंह राय अर अताए साबिर अफजल मंगलौरी तै उत्तराखंड दीर्घकालीन उत्कृष्ट साहित्य सृजन पुरस्कार न सम्मानित करि।
यांका दगड़ि मुख्यमंत्री पुष्कर सिंह धामी न अलग-अलग विधाओं मा उत्कृष्ट साहित्याकारों तैं सम्मानित करि। मुख्यमंत्री न साहित्य नारी वंदन सम्मान का अंतर्गत प्रो. दिवा भट्ट, उत्कृष्ट बाल साहित्य का वास्ता प्रो. दिनेश चमोला, उत्तराखंड मौलिक रचना पुरस्कार का अंतर्गत डा. भूपेन्द्र विष्ट, डा. सुधा जुगरान, शीशपाल गुंसाई, उत्कृष्ट कुमांऊनी अर गढ़वाली साहित्य का वास्ता तारा पाठक, हेमंत सिंह बिष्ट अर गजेंद्र नौटियाल तै सम्मानित करि।
मुख्यमंत्री पुष्कर सिंह धामी न अपणा संबोधन मा बोलि कि वृंका वास्ता यु भौत ज्यादा गर्व कु विषय छ कि वृतै प्रदेश का महान साहित्यकारों हैं सम्मानित कन्नो अवसर मिलि। वून बोलि कि उत्तराखंड भूषण सम्मान सि सम्मानित डा. जितेन्द्र
ठाकुर न सिर्फ उत्तराखंड बल्कि पूरा हिंदी साहित्य जगत का वास्ता प्रेरणा स्त्रोत छन।
श्री धामी न बोलि कि लेखक अर रचनाकार समाज क प्ररेक बि होंदन जु लोंगु मा उत्साह अर ऊर्जा भन्न कु काम कर्दन। हमरि सरकार बि साहित्य अर साहित्यकारों तैं बढ़ावा देण वास्ता संकल्पबद्ध हूंकि काम कन्नी छ।
वून सभ्भि सम्मानित साहित्यकारों हैं बधे देंद बोलि कि साहित्यकार अपणी रचनात्मकता का माध्यम न राज्य की सांस्कृतिक अर साहित्यिक विरासत तै समृद्ध कन्ना का दगड़ि नई पीढ़ि तक पहुंचाणों कु काम कन्ना छन।
वून बोलि कि उत्तराखण्डे पावन भूमि सदियों बटिन ज्ञान, संस्कृति अर सृजनों केंद्र रै यख हिमालय, गंगा अर प्राकृतिक सौंदर्य न भौत सारा लेखकों अर कवियों तै प्रेरित करि। सुमित्रानंदन पंत, गौरा पंत शिवानी, मोहन उप्रेती अर शैलेश मटियानी जन साहित्यकारों न ई भूमि हैं गौरवान्वित करयूं छ।
मुख्यमंत्री न बोलि कि स्वतंत्रता आंदोलन अर उत्तराखंड राज्य निर्माण मा साहित्यकारों की महत्वपूर्ण भूमिका रै। वून बर्ते कि राज्य सरकार साहित्य अर संस्कृति का संरक्षण अर संवर्धना वास्ता प्रतिबद्ध छ। सरकार द्वारा अलग-अलग पुरस्कारों का माध्यम सि साहित्यकारों तैं सम्मानित कन्ना दगड़ि ग्रंथ प्रकाशन वास्ता अनुदान बि दिये जाणू छ। ये दौरान कैबिनेट मंत्री सुबोध उनियाल, खजान दास, विधायक सविता कपूर दगड़ि बड़ि संख्या मा विद्वान लेखक, साहित्यकार,
रंत रैबार परिवार की तर्फ बटि जितेन पत्रकार अर साहित्य प्रेमी मौजूद छा। ठाकुर हैं भौत भौत बधै अर शुभकामनाएं।
About the Author
