रंत रैबार ब्यूरो
देहरादून। सोशल बलूनी पब्लिक स्कूल मा क्षेत्रिय भाषा अर संस्कृति तैं बढावा देणा का उद्देश्य से अपणि लोकभाषा गढवाळि पाठ्यक्रम पुस्तक कु विमोचन करेगि।
कार्यक्रम का मुख्य अतिथि लोक संस्कृति का गायक अर गढ़रत्न नरेंद्र सिंह नेगी न पुस्तक कु विमोचन करि। ये मौका परेँ श्री नेगी न बोलि कि अपणि मातृभाषा तैं पाठ्यक्रम मा शामिल करणु एक सराहनीय पहल छ।
यांग से नै पीढी अपणि जड्यू, संस्कृति अर लोक परंपराओं से जुडलि। दगडा ही लोकसाहित्य की बारिकि भी समझैनि । श्री नेगी न विपिन बलूनी का प्रयास की सराहना भि करि।
इस्कोल का मैनेजिंग डायरेक्टर विपिन बलूनी न बतै कि किताब कु उद्देश्य नौन्याळु तै व्याकरण, शब्दावली अर साहित्य से जोडनू च। ज्यां से भाषा कु संरक्षण ह्वे सकु। प्रधानाचार्य पंकज नौटियाल न मुख्य अतिथि कु आभार व्यक्त करदा बोलि कि किताब नौन्याळु मा अपणि भाषा का प्रति
गर्व की भावना जगाली। यीं किताब की संपादिका श्रीमती रमन रावत पोली स्वयं सोशल बलूनी पब्लिक स्कूल की गढ़वाली भाषा की अध्यापिका छन।
About the Author
