रंत रैबार ब्यूरो
देहरादून। केन्द्रीय मंत्री सी.आर पाटिल न मुख्यमंत्री पुष्कर सिंह धामी का पत्र का जवाब मा बोलि कि कुंभ मेला-2027 का दौरान गंगा नदि की स्वच्छता अर निर्मलता सुनिश्चित कन्न वास्ता राज्य सरकार का गंगा नदी स्वच्छता संबंधित प्रस्ताव, ठोस अर तरल अपशिष्ट प्रबंधन, मल-कीचड़ उपचार संयंत्र, नदी की सतह अर घाटों की सफे अर सार्वजनिक स्वास्थ्य तै नमामि गंगा कार्यक्रम का अंतर्गत वित्तीय सहायता दीणा वास्ता विचार करे जाणू छ। ये प्रस्ताव तैं तिसरा पक्ष मूल्यांकना वास्ता नेशनल इंस्टीट्यूट आफ अर्बल अफेयर्स नई दिल्ली तैं एन एमसीजी का पत्र का क्रम मा प्रेषित करेगि।
वून बोलि कि ये संबंध मा तिसरा पक्ष मूल्यांकने रिपोर्ट मिलण परे अगने की कार्यवाई करे जाली। केन्द्रीय मंत्री न हरिद्वार कुंभ मेला-2027 का व्यवस्थित, सफल आयोजन अर गंगा नदी की स्वच्छता अर अविरलता तैं सुनिश्चित कन्ना वास्ता नमामि गंगे कार्यक्रम का अंतर्गत हर संभव प्रयासों अर प्रदेश सरकारें सहायता वास्ता केन्द्र सरकारें जल शक्ति मंत्रालय की प्रतिबद्धता का प्रति मुख्यमंत्री तैं आश्वत करयूं छ।
मुख्यमंत्री पुष्कर सिंह धामी न ये साल फरवरी मा नई दिल्ली मा केंद्रीय जल शक्ति मंत्री सी.आर पाटिल सि शिष्टाचार भेंट करि। साल 2027 मा हरिद्वार मा आयोजित हूण वला महाकुंभकी तैयारियों अर नमामि गंगे सि संबंधित परियोजनाओं परे विस्तार सि चर्चा करि छे।
मुख्यमंत्री न केंद्रीय मंत्री श्री सी, आर पाटिल हरिद्वार कुंभ-2027 का सफल सुव्यवस्थित अर पर्यावरणीय देखरेख अर सतत आयोजन तैं सुनिश्चित कन्ना वास्ता राष्ट्रीय स्वच्छ गंगा मिशन का अंतर्गत 408.82 करोड़े परियोजनाओं तैं जल्दि स्वीकृति दीणों अनुरोध करि छो।
मुख्यमंत्री न यू बि अनुरोध करि छो कि जनवरी बटि अप्रैल 2027 तके आयोजित हूण वला ये महाआयोजन मा देश-विदेश बटि करोड़ों श्रद्धालुओं का आणा संभावना छ।
ज्यं तैं आकलन गंगा की निर्मलता,स्वच्छता और अविरलता बनी रहे सबसे पल्ली संविधान छ ।
About the Author
