रंत-रैबार ब्यूरो
नई दिल्ली। 72वें राष्ट्रीय फिल्म पुरस्कार (फीचर फिल्म श्रेणी) मा संविधान की आठवीं अनुसूचित सि हटिकि भाषाओं की श्रेणी मा गढ़वाली फिचर फिल्म ‘ढोली’ तैं सर्वश्रेष्ठ फीचर फिल्म कु रजत कमल पुरस्कार मिलणु गढ़वाली भाषा वास्ता एक भौत बड़ी गर्व की बात छ। य गढ़वाली भाषा की एक भौत बड़ी उपलब्धि बोले जै सकद। किलै कि ई फिल्म का जरिया गढ़वाली सिनेमा न राष्ट्रीय स्तर पर अपणी मजबूत पैछाण
दर्ज करै।
देखे जाव त यु सम्मान उत्तराखंड की समृद्ध लोकभाषा, लोक संस्कृति अर सांस्कृतिक विरासत कु सम्मान छ। जु हमारी भाषा तैं मान्यता देण का दगड़ा, हमरि भाषा का विकास मा बी सहायक होलु। सम्मान मिलण सम्पूर्ण उत्तराखंड अर उत्तराखण्डी सिनेमा वास्ता अत्यंत व गौरव अर हर्ष कु विषय छ। य उपलब्धि हमरि समृद्ध सांस्कृतिक विरासत, लोक भाषा अर लोककला की राष्ट्रीय स्तर पर प्रतिष्ठित पहिचान कु सशक्त प्रमाण छ।
About the Author
