रंत रैबार ब्यूरो…..
दिल्ल। उत्तराखण्ड लोक–भाषा साहित्य मंच, दिल्ली द्वारा आयोजित श्रधंजलि सभा म हिंदी व गढवाळी का बरिष्ठ साहित्यकार स्वर्गीय प्रतिबिम्ब बद्ध्वाल तैं वोंकि दूसरी पुण्य तिथि परें याद करेगे।
गढ़वाल भवन पंचकुईया मार्ग म आयोजित श्रद्धांजलि सभा म कै साहित्यकार, पत्रकार, बद्ध्वाल कुटुंब का कै प्रतिनिधि अर समाजसेवी उपस्थित छाया।
द्वी साल पैलि 15 अगस्त, 2024 खुणि अचाणचक प्रतिबिम्ब बद्ध्वाल जी की हृदयगति रुकण से निधन ह्वे गे छौ। स्वर्गीय प्रतिबिम्ब बड़थ्वाल कु जन्म 10/09/1964 खुणि सिराई, नजदीक डाडामंडी, पौड़ी गढ़वाल (उत्तराखंड) ह ह्वे। वोंकी माता जी श्रीमती प्रभा बड़थ्वाल छन व पिताजी स्वर्गीय आनंदमणि बड़थ्वाल छाया। प्रतिबिम्ब जी ला शैक्षिक योग्यताः स्नातक मेडिकल टेक्नोलॉजी बिटिन कैरि व वेका बाद लेखन कार्य का दगड़ी विदेश म रोजगार व निजी व्यवसाय करदा छाया।
दिवंगत प्रतिबिम्ब बड़थ्वाल जी ला न सिर्फ भारत बल्कि दुबई समेत कै देशों म बि गढवाळी, कुमाउनी अर हिंदी भाषाओं को प्रचार-प्रसार कैरि। नब्बे का दशक म वृंला पाठ्यक्रम तैयार कैरिकी विदेश म भाषा शिक्षण कक्षाओं कु संचालन कैरि छौ। यूएई म 34 वर्षों बिटिन प्रवास कैरि
नौकरी का बाद लगभग 20 वर्ष निजी व्यवसाय म हाथ आजमाई। स्वदेश औणा बाद बि बद्ध्वाल जी उत्तराखण्ड लोक भाषा साहित्य मंच, दिल्ली का दगड़ी लगातार भाषा आंदोलन तैं अगनै बढाणा छाया। ये का दगड़ी वो लेखन म बि लगातार लग्यां छाया। बद्ध्वाल जी कि प्रकाशित पुस्तक छन मेरा चिंतन (कविताएँ), मी टू (हिन्दी कहानियाँ) अर गढ़वळि म म्यार आखर : मेरि कविता एक गढ़वळि पोथी यखुली प्रकाशनाधीन च। 23 हिंदी पोथ्यों को डिजिटल प्रकाशन कैरि व कै हौरि पुस्तक बि लिखीं। कुल मिलैकि बद्ध्वाल जी लगातार भाषा साहित्य की साधना म लग्यां छाया।
धर्मवीर रावत,श्रद्धांजलि सभा म बद्ध्वाल कुटुंब का सदस्यों, साहित्यकारों, पत्रकारों आदि ला भाग ले। जौं म बद्ध्वाल परिवार का राजकुमार बद्ध्वाल, प्रदीप बड़थ्वाल, प्रतिबिम्ब बड्वाल जी का अनुज प्रियबिम्ब बड़थ्वाल, रुद्राक्ष धस्माना, गढ़वाल हितैषिणी सभा का अध्यक्ष सूरत सिंह रावत, उपाध्यक्ष शैलेन्द्र सिंह नेगी, महासचिव पवन कुमार मैठाणी, सांस्कृतिक सचिव वीरेंद्र सिंह नेगी, कोषाध्यक्ष राजेन्द्र चमोली, कार्यकारणी सदस्या रेनू उनियाल, सीमा गुसाईं, गोविंदराम भट्ट, धीरेन्द्र गुसाई, बरिष्ठ साहित्यकार चन्दन प्रेमी, दीनदयाल बन्दूणी दीन, चन्दन प्रेमी, मदनमोहन थपलियाल, जयपाल सिंह रावत छिप्वडुदा, दर्शन सिंह रावत, उमेश बंदूणी, कवियत्री निर्मला नेगी, रमेश हितैषी, उत्तराखण्ड लोक भाषा साहित्य मंच, दिल्ली का संयोजक दिनेश ध्यानी, बृजमोहन वेदवाल, प्रदीप रावत खुदेड़, संदीप गढ़वाली, द्वारिका प्रसाद चमोली, उदयराम ममगाई राठी, रामचरण धस्माणा, नीरज बवाड़ी, मायाराम बहुगुणा, व्लॉगर सुभाष कुकरेती, बरिष्ठ रंगकर्मी खुशहाल सिंह बिष्ट, संगीता सुयाल, संतोष बडोनी, धर्मेंद्र प्रसाद, अंजू भंडारी, शशि बडोला, धर्मवीर रावत, रविंद्र रावत आदि उपस्थित छाया।
About the Author
