पर्वतीय शिल्पी समाज उत्थान समिति कु पैलु आयोजन

रंत रैबार ब्यूरो

नई दिल्ली। ‘पर्वतीय शिल्पी समाज उत्थान समिति (पंजी)’ कु उद्घाटन दिल्ली का गढ़वाल भवन पछकुइयाँ रोड दिल्ली मा संपन्न है। संगठन का मुख्य संस्थापक व अध्यक्ष रमेश हितैषी ल बोलि कि संगठन कु पंजीकरण 30 सितम्बर 2025 मा हे। संगठन कु मूलतः पैलु उद्देश्य उत्तराखण्ड का शिल्पी समाज की सामाजिक और संवैधानिक अधिकारों की रक्षा अर दुसरु उद्देश्य उत्तराखण्ड की संस्कृति, बोली भाषा, रीति रिवाज अर साहित्य कु संरक्षण करणु बिच. वन त शिल्पी समाज का कई साहित्यकार बि ये क्षेत्र में भौत पैलि बिटी अन्य संगठनों दगाड़ काम करण लग्यां छन पर एक संगठनात्मक ताकत की जरवत महसूस हूणी है. वेकि पूर्ति थें मध्य नजर धैरिक ये संगठन कु गठन करे गे। संगठन कि कोशिश रालि कि शिल्पी समाज का विकास का दगडी नै नै प्रतिभाओं तैं बि समणी लाये जौ।

ये आयोजन म कुमाउनी, गढ़वाली भाषा सम्मलेन कु आयोजन करेगे।

ये सम्मेलन मा आमंत्रित कवि वरिष्ठ साहित्यकार सर्व श्री पूरन चन्द्र कांडपाल, चंदन प्रेमी, दिनेश ध्यानी, जयपाल सिंह रावत ‘छिपड़दा’, रघुबर दत्त शर्मा ‘राघव’ , रमेश हितैषी, ओम प्रकाश आर्या, रोशन लाल ‘हिंद कवि’, सुश्री किरन पंत, सुश्री ममता रावत, प्रकाश मिलनसार, जगत कुमाउनी, किशन राम आर्य अर कुमारी ज्योति आर्या, जिल गीत व कविताओंक पाठ करि. पर्वतीय शिल्पी समाज समितिक का प्रवन्ध कार्यकारिणी का मुख्य पदाधिकारी (संरक्षक) सर्व श्री किशन राम आर्य, किशन राम ‘झिमार’, (सलाहकार) गोपाल राम टम्टा, सचिव जय चंद्र, (उप सचिव) प्रकाश आर्य हरी राम खोड़ा, (सयुक्त सचिव) ‘दाड़िमी’ (कोषाध्यक्ष) चन्द्र प्रकाश आर्य, (उप कोषाध्यक्ष) आनंद प्रकाश, (संगठन सचिव) प्रताप लोहानी, (सांस्कृतिक सचिव) प्रकाश मिलनसार, (उप सांस्कृतिक सचिव) श्री प्रकाश आर्य ‘इण्डिया गेट’, (प्रचार सचिव) जगत

राम, (रोकपाल) अर्जुन जी मौजूद छया, ये दौरान पर्वतीय शिल्पी समाज का सदस्यों को 2009 मा स्थापित उत्तराखण्ड

आर्य समाज को आपरेटिव अर्बन टी सी सोसाइटी लिमिटेड कि 16 वीं सालाना बैठक बि संपन्न है। ये सोसाइटी कु मुख्य उद्देश्य उत्तराखण्ड का शिल्पी समाज का लोगों की आर्थिक सहायता करणु च. ये सोसाइटी मा लगभग 500 से जादा सदस्य जुड्यां उत्थानासोबत बेगता अपणि आर्थिक जरूरतों की पूर्ति ये सोसाइटी का माध्यम से कर दन. ये मौका फर सोसाइटी कु 2024-2025 कु आय व्यय कु ब्यौरा प्रस्तुत करे गे. ब्यौरा प्रस्तुत करण वळा सोसाइटी का मुख्य संस्थापक सदष्य व कोषाध्यक्ष श्री रमेश हितैषी जिल बोलि कि सोसाइटी का मूल उद्देष्यों की पूर्ति का तहत शिल्पी समाज थें उच्च दर फर कर्ज दीण वळा सूदखोरों से मुक्ति दिलांणु च. जैकु कुछ हद तक हम निदान बि करि चुकि ग्यां पर अजि भौत काम रयुं वि च. वन त सोसाइटी

कि वित्तीय स्थिति थें देखिक यनु लगद कि सोसाइटी से जुड्‌यां सदस्य लगभग संक्षम हे गिन पर गैरें से देखि जाव त अज्यों बि भौत सारा लोग ये लाभ से वंचित छन. जाँका वास्ता जमीनी स्तर फर काम करण जरूरी च. ये बैठक मा सोसाइटी का (अध्यक्ष) श्री चंद्र प्रकाश आर्य, (उपाध्यक्ष) श्रीमती कं’चन आर्य, (महासचिव) सर्वश्री प्रताप लोहानी, (कोषाध्यक्ष) रमेश हितैषी, (कार्यकारिणी सदष्य) ओम प्रकाश आर्य, जस्सी राम, दीपक आर्य, किशोर आर्य, आनंद प्रकाश आर्य, प्रकाश मिलनसार अर श्रीमती हंसी

आर्य मौजूद छया. ये बैठक मा सोसाइटी की नै प्रवन्ध कार्यकारिणी कु बि चुनौ हे। चुनाव अधिकारी श्री संदीप खत्री जी द्वारा लगभग वर्तमान प्रवन्ध कार्यकारिणी थें दुबरा 2025 से 2028 तक का वास्ता नयुक्त करि। कुल मिलैकि या संस्था ‘पर्वतीय शिल्पी समाज उत्थान समिति (पंजी)’ एक विजन लेकि चलणी च कि उत्तराखण्ड व दूर दराज जख बि हमरा लोग छन वख अपरी बाते पाँछे जौ। या समिति समाज का विकास व प्रदेश की खुशलाही का वास्ता लगातार काम कारलि। कार्यक्रम की अध्यक्षता श्री पूरन चन्द्र काण्डपाल अर संचालन रमेश हितैषी जिल करि।