नई दिल्ली। श्री जयानंद भारतीय स्मारक निधि द्वारा जनकपुरी दिल्ली हाट मा एक भव्य जन जागृति अर सांस्कृतिक कार्यक्रम कु सफल आयोजन करे गे।
उत्तराखण्ड का महान स्वतंत्रता संग्राम सेनानी कर्मवीर जयानंद भारतीय जी कि पावन स्मृति थें समर्पित ये कार्यक्रम मा सैकड़ों कला व संस्कृति प्रेमियोंल व प्रवासी उत्तराखण्डी परिवारोंल उत्साहपूर्वक सहभागिता करि. ये मौका पर नै पीढ़ी थें ये जानकारी से बी रूबरू करए गे कि कर्मवीर जयानंद भारतीय न स्वतंत्रता संग्राम का दौरान अपूर्व साहस कु परिचय देंद थोकदारों द्वारा आयोजित अंग्रेज समर्थक ‘अमन सभा’ मा ‘वेलकम हेली गो बैक’ कु नारा लगैक अमन सभा भंग करि अर उत्तराखण्ड की स्वाभिमान कि रक्षा करि. वे दिन फर आधारित ‘पौड़ी पराक्रम’ की घटना फर एक नाटिका प्रस्तुत करे गे जो कार्यक्रम कु मुख्य आकर्षण कु केंद्र रै।
ये मौका फर देहरादून बिटि विशेष रूप से आमंत्रित प्रख्यात संगीतकार रणजीत सिंह, श्रीमती अंजलि खरे, अमित खरे अर वीरेंद्र नेगी ‘राही’ जिन अपणि प्रस्तुतियोंल कार्यक्रम कि शोभा बढ़े. कार्यक्रमकि विशेष थीम ‘एक मंच – अनेक गांव’ है। जैमा मटेला, पटलपानी, पाली अल्मोड़ा, कपल्स, पलासी, अरकंडाई धार, धुमाकोट, अर ढोंग गाँ का बाल बालिकाओंल व कलाकारोंल गढ़वाली लोक नृत्य, समूह नृत्य अर पारंपरिक लोक संगीतकी मनमोहक प्रस्तुति दे।
ये कार्यक्रम मा सिरकत कन्न वळा आर्य समाज से विनय आर्य जिकि गरिमामई उपस्थिति रै. यांका अलावा संस्था का पदाधिकारी ओम् प्रकाश शास्त्री (संरक्षक) सुरेश चंद्र शास्त्री (संरक्षक), हरि सिंह पुरोहित (प्रधान) संदीप कुमार आर्य (मंत्री) विजेंद्र शर्मा (कोषाध्यक्ष) हरीश चंद्र चौहान (उप प्रधान) जगदीश चौहान (उप प्रधान) प्रमोद कुमार (उप मंत्री) जिन ऊँ सब्या लोगों थें याद करि जो कैन कै रूप मा ई संस्था से जुड्यां छ्या. संस्थाल ऊँ लोगोंकु बि आभार जतै जॉल ये संस्था कि नींव रखि अर संस्था थें अगिनै बढ़ौण मा अपणु जीवन समर्पित करि. उ महामनखी आज हमर बीच नि छन पर ऊँकू योगदान भुलई नि जै सकिंदु। युंकू स्मरण करद करद सब्या उपस्थित लोंगोल ऊँथें भावभीनी श्रद्धांजलि अर्पित करि. उपस्थित लोगोंल ये कार्यक्रम की सराहना करि अर बोलि कि यो भौत भलु कार्यक्रम छौ जो समै समै फर आयोजित हूण चैणा छि. एका माध्यम से हम जख अपणा प्रसिद्ध स्वतंत्रता संग्राम सेनानी कर्मवीर जयानंद भारतीय की याद मा उत्सव मनाणा छौं वखि हम अपणि नै पीढ़ी थें ऊँका योगदानों से बि अवगत कराणा छौं. कार्यक्रम का मुख्य आयोजकोंल अपणा अभिभाषण मा बोलि कि ये बानिका कार्यक्रमों कु मुख्य उद्देश्य प्रवासी उत्तराखंडियों थें एक मंच पर लाण, नै पीढ़ी थें अपणि संस्कृक्ति से जोड़ण अर अपणा महापुरुष चै स्वतंत्रता संग्राम सेनानी हाँन या क्वी अन्य समाज सेवा क्षेत्र मा हाँन अपणा समाज का वास्ता ऊँकु योगदान से स्मरण कराण च. मैमान दीर्घा मा बैठ्यां वरिष्ठ साहित्यकार व उत्तराखण्ड लोकभाषा साहित्य मंच का का संयोजक सर्वश्री दिनेश ध्यानी, वरिष्ठ साहित्यकार व पर्वतीय शिल्पी समाज उत्थान समिति का अध्यक्ष रमेश हितैषी, उत्कर्ष योग संस्था का संस्थापक व योग गुरु सतेंद्र प्रयासी, आचार्य डॉ धरम शास्त्री, गढ़वाल आंचलिक विकास संगठन छा ।
About the Author
