रंत-रैबार ब्यूरो
नई दिल्ली। उत्तराखण्ड लोक-भाषा साहित्य मंच, दिल्ली द्वारा संचालित ग्रीष्मकालीन भाषा शिक्षण कक्षाओं कु संचालन ये साल 24 मई, 2026 बिटिन होलु। 6 अप्रैल, 2026 खुणि न्यू अशोक नगर दिल्ली म आयोजित भाषा कार्यशाला संचालन समिति की बैठक म तय हेकि कि ग्रीष्मकालीन कक्षाओं कु संचालन 24 मई 2026 बिटिन होलु । यां से पैलि 10 मई 2026 खुणि शिक्षकों खुणि एक दिवसीय कार्यशाला कु आयोजन होलु । उत्तराखण्ड लोक-भाषा साहित्य मंच,
दिल्ली क संयोजक दिनेश ध्यानी ला बताई कि मंच वर्ष 2016 बिटिन लगातार दिल्ली-एनसीआर समेत उत्तराखण्ड क श्रीनगर,देहरादून, अल्मोडा, लोहाघाट म ग्रीष्मकालीन कक्षाओं कु संचालन करदा आणु च । साथ ही ऑनलाइन कक्षाओं कु इंग्लैंड म बि संचालन कना छौ । श्री ध्यानी ल बोलि कि हमारी कोशिश छ कि नई पीढ़ी अपनी भाषा, संस्कृति व सरोकारों से जुडु।
उत्तराखण्ड लोक-भाषा साहित्य मंच दिल्ली क संरक्षक डाक्टर विनोद बछेती ला बतै कि मंच की ओर से आयोजित ग्रीष्मकालीन कक्षाओं म दिल्ली पैरामेडिकल एंड मैनेजमेंट इंस्टीट्यूट कु सहयोग बराबर रैंद। जब हमारी भाषा बचलि तभी हमारी पछ्याण बचीं रैली ।
ज्ञातव्य हो उत्तराखण्ड लोक-भाषा साहित्य मंच दिल्ली लगातार भाषाई सरोकारों परैं काम कन वळि संस्था छ। गढ़वाली कुमाऊनी भाषाओं तैं संविधानै आठवीं अनुसूची में शामिल कना खातिर बि मंच लगातार काम करणौ छ। दिल्ली एनसीआर व उत्तराखण्ड म भाषा शिक्षण कक्षाओं कु संचालन अपणा आप म बडी पहल छ।
यीं बैठक म दयाल नेगी, रेखा चौहान, दिग्पाल कैंतुरा, गिरीश सत्यबली, दीपक डंडरियाल आदि उपस्थित छाया ।
About the Author
