रंत रैबार ब्यूरो
नई दिल्ली। दिल्लीक पंचकुइयां रोड म स्थित गढ़वाल भवन म आयोजित वीर चंद्र सिंह गढ़वाली मेधावी छात्र सम्मान समारोह म दिल्ली सरकारक लोक निर्माण मंत्री प्रवेश साहिब सिंह न संबोधित कर्द बोलि कि दिल्ली क विकास म उत्तराखण्ड क लोंगू कु भौत महत्वपूर्ण योगदान छ।
छात्रों त संबोधित कर्द उन बोलि कि जीवन म अग्नै बढ़णक एकमात्र मजबूत रास्तो शिक्षा छ। आज ज्यौ छात्रौ कु यख सम्मान हूंण च, व वूकि प्रतिभा अर योग्यता क सम्मान छ। वून छात्र तैं सलाह दे कि मोबाइल मोह तैं दूर रैंकि, अपणी पढ़ाई अर लक्ष्य पर ध्यान द्यावा। वून छात्रों क प्रतिभा क सम्मान अर प्रोत्साहन देणक वास्ता गढ़वाल हितैषिणी सभा कु बी धन्यवाद करी।
हेमवती नंदन बहुगुणा गढ़वाल विश्वविद्यालय, श्रीनगर, उत्तराखण्ड क कुलपति प्रोफेसर प्रकाश सिंह न सम्मानित हुण वाल छात्रों तें बधाई दै कि वीर चंद्र
सिंह गढ़वाली जन महान व्यक्तित्वक क नांम पर स्थापित पुरस्कार सि सम्मानित होण अपने आप म भौत बडु गौरव छ। वून सभि छात्रों तै उज्ज्वल भविष्यक क शुभकामना दे। वून गढ़वाल हितैषिणी सभा संस्था तै बधै देंद बोलि कि सभा समाज तँ जोड़ण अर आपणी सांस्कृक्तिक विरासत तें बचै-बढ़े राखण वास्ता महत्वपूर्ण काम
कनि छ। सभा कु यो प्रयास वास्तव म सराहनीय छ।
समारोह म दसवीं कक्षा क 66 अर बारहवीं कक्षा क 44 मेधावी छात्र, जूं क 90 प्रतिशत या उससे अधिक अंक ल्या रैन, वृतें सम्मानित कर्यो ग्यौ। एका साथ ही 14 अन्य विशेष उपलब्धि हासिल कन्न वाळा मेधावी छात्रों तैं भी सम्मानित कर्यों
ग्यौ।
दसवीं कक्षा म सबसि अधिक अंक ल्याण वाळी कु. आरना ममगाई (98.6 प्रतिशत) प्रथम अर अनिकेत जुयाल द्वितीय रै। बारहवीं म कु. शरवी रावत (98.2 प्रतिशत) प्रथम अर आर्यन ढौंडियाल (97.2 प्रतिशत) द्वितीय रै।
पुरस्कारक रूप म हर छात्र तँ रू. 2,100 नगद, स्मृति-चिह्न अर प्रशस्ति-पत्र दियेगि। इकमा रू.1,100 सभा की तरफ सि अर रू.1,000 लोक निर्माण मंत्री श्री प्रवेश साहिब सिंह की तरफ दियौ ग्यौ। स्मृति चिह्न एडवोकेट धनीराम अंथवाल क गोविंदराम रमा देवी ट्रस्ट की तरफ से प्रायोजित कररि ग्ये। बैंजोश इंटरप्राइजेज क तरफ बिटै भी हर छात्र तैं गिफ्ट पैक दियेगि।
साच ट्रस्ट क संस्थापक ललित प्रसाद ढौंडियाल न पिछला साल की परंपरा तैं जारी रखद सरकारी स्कूलन म पढ़णा वाळा छात्रों तँ प्रोत्साहित करण क खातिर दसवीं म सबस्यूं अधिक अंक ल्याण वाळा अहम कुकरेती अर बारहवीं म सरकारी स्कूल स्यूं सबस्यूं.
अधिक अंक ल्याण वाळी सोम्या त्रिपाठी तैं रू. 5,100-रू.5,100 की अतिरिक्त प्रोत्साहन राशि दे।
यांका अलावा अलग-अलग क्षेत्र म विशेष उपलब्धि हासिल करंणा वाळा 14 मेधावी छात्रों तैं भी सम्मानित कयौं ग्यौ। सम्मानित होण वाळन म कु. आंचल डोभाल (चार्टर्ड अकाउंटेंट), कु. अंजलि पुरोहित (नीट), अंशिका भंडारी (नीट), अर्णव शर्मा (एनडीए), आर्यन चौहान (नीट), आर्यन डोभाल (नञ्जश्व क्लियर), धीरज जोशी (आईआईटी), लक्ष्य ढौंडियाल (जेआरएफ), मेहुल गुसाई (नीट), नीतिका नेगी (फुटबॉल), परिनामिका (GATE), सुमन रावत (श्रीलंका म नृत्य-कला खातिर गुरु रत्न सम्मान), विप्रा डोबरियाल (नृत्य) अर श्वेता सजवाण (एनडीए) शामिल है।
समारोहक क कुशल संचालन महासचिव पवन कुमार मैठाणी न करि। कार्यक्रम क शुरुआत मा सभा अध्यक्ष
‘दिल्ली क विकास म उत्तराखण्ड क लोगों क महत्वपूर्ण योगदान छ’ : प्रवेश साहिब सिंह
सूरत सिंह रावत न समारोह मा अयां अतिथियों क स्वागत मा भाषण दय्या।
* कार्यक्रम क शुरुआत मा नेपाल म आई प्राकृतिक आपदा म काल-कवलित ह्वे ग्ये लोगु तैं श्रद्धांजलि अर्पित करी गई। वंदे मातरम् गीत सि कार्यक्रम की शुरूवात है अर राष्ट्रगान दगड़ समारोह क समापन हौ।
समारोह म घुघूती सांस्कृतिक मंच क कलाकारों न मनमोहक अर रंगारंग सांस्कृतिक कार्यक्रम प्रस्तुत करि, सभागार म मौजूद लोगुं कु मन मोह लियौ ।
समारोह मा डूटा अध्यक्ष प्रोफेसर वी. एस. नेगी, एडवोकेट धनीराम अंथवाल, शिक्षाविद् संजय भारतीय, निगम पार्षद वीर सिंह पंवार, दिल्ली विश्वविद्यालयक प्रोफेसर हरेंद्र असवाल, प्रोफेसर सुरेश बंदूनी, उद्यमी दीपक बनियाल, अभियंता नरेंद्र सिंह कठैत, ललित. प्रसाद ढौंडियाल, महावीर सिंह राणा, लाखीराम डबराल, नई दिल्ली भाजपा मंडल अध्यक्ष संजय तड़ियाल, संजय उनियाल, पुष्कर करासी, भजन सिंह रावत, जोत सिंह नेगी, एसीपी (सेवानिवृत्त) मोहन सिंह रावत, विनोद बडोला अर सभा क पूर्व अध्यक्ष नरेंद्र सिंह नेगी सहित कति गणमान्य लोग मौजूद छ्या।
About the Author
