हमतें अपणी भाषा पर गर्व होण चैंदः कोशियारी -

रंत रैबार व्यूरो दिल्ली…..

नई दिल्ली। एनडीएमसी सभागार म गढ़वाली, कुमाउनी, जौनसारी अकादमी व उत्तराखण्ड लोक-भाषा साहित्य मंच, दिल्ली का तत्वावधान म गढ़‌वाली, कुमाउनी शिक्षकों कु व केंद्र प्रमुखों कु सम्मान समारोह आयोजित करेगे। ये आयोजन म उत्तराखण्ड का पूर्व मुख्यमंत्री भगत सिंह कोशियारी समेत दिल्ली म उत्तराखण्ड का कै नेता शामिल ह्वेन। ये आयोजन म लोगों का बढ़ि चढ़ी भाग ल्हे।

उत्तराखण्ड लोक-भाषा साहित्य मंच, दिल्ली का संयोजक दिनेश ध्यानी ल बोलि कि हम नै पीढ़ी तैं बरसों बिटिन भाषा सिखौणा छावा। ताकि नै पीढी अपरी भाषा, संस्कृति से जुड्यां रैलि। ये साल गढ़वाली, कुमाउनी, जौनसारी अकादमी द्वारा पूर्ण सहयोग से यु आयोजन ह्वे। श्री ध्यानी ला अपरा सम्बोधन म बोलि कि भाषा शिक्षण का दगड़ी मंच लगातार गढ़वाली, कुमाउनी भाषाओं तैं संविधानै आठवीं अनुसूची म शामिल कना खातिर लगातार प्रयास करणू च। दगड़ी उत्तराखण्ड सरकार से बि मंच लगातार मांग करणू च कि उत्तराखण्ड विधानसभा बिटिन एक प्रस्ताव केंद्र तैं भेजा कि गढ़वाली, कुमाउनी भाषाओं तैं संविधानै आठवीं अनुसूची म शामिल करेजौ। श्री ध्यानी ला बोलि कि हम भाषा आंदोलन तैं तेज कना खातिर प्रयास करणा छौ। भौत जल्दी बड़ी बैठक करला।

उत्तराखण्ड लोक-भाषा साहित्य मंच, दिल्ली का संरक्षक मंडल का सदस्य व डीपीएमआई का चेयरमैन, समाजसेवी

शिक्षक सम्मान समारोह -2026

व भाजपा दिल्ली का उपाध्यक्ष डॉ विनोद बछेती ला बोलि कि उत्तराखण्ड लोक-भाषा साहित्य मंच, दिल्ली द्वारा लगातार भाषाई सरोकारों पर काम हूणू च। गढ़वाली, कुमाउनी भाषाओं तैं भी संविधान की आठवीं अनुसूची म शामिल हूण चैन्द।

उत्तराखण्ड का पूर्व मुख्यमंत्री भगत सिंह कोश्यारी ला बि बोली कि हम तें अपणि भाषा परें गर्व हूण चैंद। वून बोलि कि हमतें अपणा घरों म गढ़वाली, कुमाऊनी भाषाओं म बात कन्न चैंद। श्री कोशयारी न बोलि कि एक दिन टक लगैकि गढ़वाली, कुमाऊनी भाषा संविधान की आठवीं अनुसूची म शामिल होली।

राष्ट्रीय सुरक्षा सलाहकार अजीत डोभाल का सुपुत्र शौर्य डोभाल न बोलि कि हमरि गढ़वलि भाषा एक समृद्ध भाषा छ। हमतें यां पर गर्व महसूस कन्न चंद अर ईतै आठवीं अनुसूचि मा लाण वास्ता प्रयासा कन्न चैंद। वून बोलि कि उत्तराखण्ड लोक भाषा साहित्य मंच दिल्ली भौत बढ़िया काम

कन्नू छ।

ये मौका परें अकादमी का पदाधिकारी, समाज का अग्रणी लोग व कति साहित्यकार दर्शन सिंह रावत, जगमोहन सिंह रावत जगमोरा, रोशनलाल हिन्द कवि, सुशील बुडाकोटी, उदयराम मंमगांई राठी, निर्मला नेगी, रमेश हितैषी, द्वारिका चमोली, पत्रकार जगमोहन जिज्ञासु, जगमोहन सिंह डांगी, अनिल कुमार पंत, ललित ढौडियाल, विमल कठैत, प्रताप थलवाल, विजयलक्ष्मी डोभाल, नीलम रावत, पुष्पा पंत, अर सभी केंद्रों का शिक्षक, प्रमुखों समेत कै लोग उपस्थित छाया। ये मौका परेँ भाषा सिखण वळा नौन्याळों ला संस्कृतिक प्रस्तुति बि देन। भगवत मनराल की टीम व बि अपणि सांस्कृतिक प्रस्तुति देन।

कार्यक्रम कु संचालन शहादरा जोन एमसीडी का चेयरमैन यशपाल कैंतुरा, दयाल नेगी, रेखा चौहान व गिरीश सत्यवली ला संयुक्त रूप से कैरि।