ऐतवार । टिहरी उत्तरकाशी जन विकास परिषद (पंजी) दिल्ली, 49 वर्ष पुराणी स॔स्था की आम सभा की बैठक दिल्ली का गढ़वाल भवन, पंचकुइया रोड मां संपन्न ह्वै। बैठक मां उपस्थित सब्बि सम्मानित संस्थापक, वरिष्ठ, आजीवन सदस्यों का दगड़ि मातृशक्ति न भि भाग लिनि। उपस्थित सब्बि लोगोंन वर्ष 2024-25 मां कर्यां कामू की खूब तारीफ करी। खासकरी धराली जैक आपदा पीड़ित लोगों तैं आर्थिक मदद अर स्कूली बच्चों अर अध्यापकों तैं गरम ट्रैकसूट वितरण, गरीब नौनी का ब्यो मां कन्यादान अर आर्थिक मदद, क्षेत्र का विकास कार्यों का वास्ता अधिकारियों तैं सभा द्वारा पत्राचार एवं वूंका माध्यम से प्राप्त उपलब्धियों का बारे मां बताये गै। महासचिव श्री निर्मल सिंह धनोला जी द्वारा लिखित मां पूरा साल का कामों कु विस्तृत विवरण व कोषाध्यक्ष /उपकोषाध्यक्ष जी द्वारा आय-व्यय कु लिखित ब्यौरा पारदर्शिता का दगडी प्रस्तुत करे गै। अपणा कार्यकाल का एक वर्ष मां सभा द्वारा कर्यां कामों कु सबि आजीवन सदस्यों न खूब तारीफ करी। वरिष्ठ सदस्यों का साथ-साथ पूर्व मां रंया पदाधिकारियों न भि संस्था का बारा मां अपणु-अपणु प्रभावशाली वक्तव्य रखी अर अगनै भविष्य का वास्ता भी मार्गदर्शन करी। अध्यक्ष एवं महासचिव महोदय न हर तरह का सहयोग तैं सबि सदस्यों कु आभार प्रकट करी। बैठक मां परिषद का संस्थापक सदस्य एवं पूर्व महासचिव श्री महादेव प्रसाद बलूनी, श्री लाखीराम डबराल, पूर्व महासचिव श्री अजय सिंह बिष्ट, पूर्व अध्यक्ष श्री आजाद सिंह नेगी, अधिवक्ता शैलेंद्र सिंह नेगी जी उपाध्यक्ष गढ़वाल हितेषिणी सभा, गढ़वाल हितेषिणी सभा के वर्तमान अध्यक्ष श्री सूरत सिंह रावत, पूर्व सचिव श्री विनोद नौटियाल, पूर्व महासचिव श्री देवेंद्र जोशी, उत्तराखंड के चंद्रबदनी क्षेत्र से क्षेत्र पंचायत सदस्य श्रीमती रोशनी चमोली, श्रीमती निर्मला नेगी, परिषद का अध्यक्ष श्री सुरेशानंद बसलियाल, वरिष्ठ उपाध्यक्ष श्री परिपूर्णानंद गैरोला, उपाध्यक्ष श्री भीम सिंह राणा, सचिव श्री गणेश जोशी, सचिव श्रीमती कुसुम बिष्ट, कोषाध्यक्ष श्री बृजमोहन सेमवाल, उपकोषाध्यक्ष श्री प्रताप सिंह नेगी, संगठन सचिव श्री नरेंद्र गुसाँई, संयुक्त सचिव श्री हुकम सिंह कण्डारी, निरीक्षक श्री दीवान सिंह राणा, श्री बलबीर सिंह चौहान, सुधीश नेगी, विकास चमोली, गोविंद भट्ट, देवेश नौटियाल, धूम नेगी, आशा लामा आदि कै गणमान्य सदस्य उपस्थित रैन। वरिष्ठ सदस्यों न अपणा वक्तव्य मां संस्था की नींव रखण वाला लोग भि याद करिन अर महासचिव जी न सब्बि समाजप्रेमी, सहयोगी दगड़ूयों अर उपस्थित सदस्यों कु धन्यवाद करी।
About the Author
