संवाददाता
देहरादून। आगामी चारधाम यात्रा तै सफल सुव्यवस्थित अर सुरक्षित संचालन वास्ता यात्रा का दौरान संभावित चुनौतियों अर वू का व्यवहारिक समाधान वास्ता मंडलायुक्त विनय शंकर पाण्डे, गढ़वाल पुलिस महानिरीक्षक राजीव स्वरूप न ट्रांजिट कैंप, होटल एसोसिएशन टूर एण्ड ट्रैवल्स यूनियन व डंडी-कंडी संचालकों का दगडि एक बैठक करि।
बैठक मा तय करेगे कि ये साल यात्रा मा यात्री की संख्या समिति नि करे जालि, पर प्रत्येक यात्री हैं पंजीकरण
कन्नू जरूरी होलु, फर्जी पंजीकरण पर सख्त कार्यवाही होलि।
बैठक मा बोलेगे कि यात्रा मार्गों मा पार्किंग इनी जगा पर करै जाव जख बटि होटल, धर्मशाला अर होमस्टे नजदीक हो, अर वखम सबि मूलभूत सुविधा उपलब्ध हो।
वुनै यात्रा की व्यवस्थाओं व तैयारियों वास्ता स्थानीय प्रशासन का दगड़ा-दगड़ि पर्यटन विभाग व अन्य विभाग कि सक्रियता सि काम मा जुट्यां छन।
यमुनोत्री अर गंगोत्री का कपाट खुलणा का साथ ही 19 अप्रैल वटि चारधाम
यात्रा शुरू हे जाली। भगवान केदारनाथ धाम का कपाट 22 अप्रैल, श्री बद्रीनाथ
धाम का कपाट 23 अप्रैल हैं श्रद्धालुओं वास्ता खोल दिये जाला।
बतें जांद कि चारधाम यात्रा वास्ता जै प्रकार सि यात्रि लगातार बड़ी संख्या म अपणु पंजीकरण कराणा छन अर गढ़वाल मंडल विकास निगम क गेस्ट हाउसो कि बुकिंग का आंकड़ा रोज बढ़द जाणां छन, बू यीं बातों कु प्रत्यक्ष प्रमाण छ कि य साल कि चारधाम यात्रा पिछला सबि रिकॉर्ड तोड़ी कि न्यु कीर्तिमान स्थापित करलि।
प्रत्येक धाम म उपलब्ध स्थान व आवासीय क्षमता का अनुरूप संबंधित जिलाधिकारियों की सहमति का आधार पर धामों म दैनिक दर्शन वास्ता सीमा निर्धारित करे जाली।
मॉडल फैसिलिटी
About the Author
