रंत रैबार ब्यौरो…..
देहरादून। राजकीय दून मेडिकल कालेज हैं आयुमान भारत डिजिटल मिशन एबीडीएम ए मॉडल फैसिलिटी का रूप मा तैयार करे जालू। व्यवस्थाएं सुचारू कन्ना वास्ता राजकीय स्वास्थ्य प्राधिकरण अर कालेज प्रशासने संयुक्त बैठक मा अलग-अलग पहलुओं परे चर्चा करेगि। लाभार्थियों तै लाइनो बटि राहत दीणा वास्ता अस्पताल मा एबीडीएम का अलग सि काउंटर लगाण अर परिसर मा जागरूकता गतिविधयों परे जोर दियेगि। मेडिकल कालेजा चिकित्सा अधीक्षक
डा. रविंद्र सिंह बिष्ट की अध्यक्षता मा हे बैठक मा एबीडीएम की प्रबंधक प्रज्ञा पालीवाल न बतै कि राष्ट्रीय स्वास्थ्य प्राधिकारण निर्देशों का अनुसार दून मेडिकल कालेज हैं एबीडीएम का मॉडल फैसिलिटी का रूप मा प्रस्तुत करे जालु। इख मरीज क्यूआर कोड न स्कैन अर शेयर या स्कैन अर पे का जरिया पंजीकरण अर भुगतान करला। कार्मियों का एचपीआर तँ जरूरी करेगि। बैठक मा निर्णय लियेगि कि अस्पताल मा क्यूआर कोड न पंजीकरण वास्ता अलग से काउंटर बणै जालू।
परिसर मा एबीडीएम ए सुविधाओं का बारा मा व्यापक आईईसी का जरिया प्रचार-प्रसार गतिविधि करे जाली।
क्यूआर कोड जरिया स्वास्थ्य सेवाओं कु आसानी अर बेहतर ढंग से उपयोग करे जे सकद छ। अगर डिजिटल उपयोग मा कमी आणी छ त वाँते दूर कन्ना वास्ता एबीडीएम की तर्फ बटि अस्पताल कर्मियों तैं प्रशिक्षण दिये जालू। चिकित्सा बणणा वास्ता जू बि जरूरी प्रयास होला वूतें प्राथमिकता का दगड़ि अमल मा लिये जालू। दून मेडिकल कालेज मा ज्वाइन कन्न वला हर डाक्टर अर नसों की एचपीआर जरूर बणै जाली। बैठक मा निर्णय लियेगि कि फार्मेसी अर प्रयोगशालाओं कु बि एबीडीएम मा पंजीकरण करै जालू।
चिकित्सा अधीक्षक न बोलि कि दून तैं मॉडल फैसिलिटी बणाणा वास्ता जू वि जरूरी प्रसास होला वूर्त प्राथमिकता का दगड़ि अमल मा लिये जालू। बूतें आभा का जरिया मरीजों कु पंजीकरण कन्न होलु। यांका वास्ता प्रशासन द्वारा संबंधित अधिकारियों तैं निर्देश दीये गेन। बैठक मा दून प्रशासना एएमएस डा. एनएस बिष्ट, विनोद नैनवाल, दिनेश रावत, नितेश यादव, राज्य स्वास्थ्य प्राधिकरण बटि रमेश नेगी, संताप विष्ट, नवीन शुक्ला, नवीन चमोली आदि मौजूद छा।
About the Author
