रंत रैबार ब्यूरो दिल्ली....
नई दिल्ली। उत्तराखण्ड लोक मंच द्वारा 28 फरबरी, 2026 खुणि गढ़वाल भवन नई दिल्ली म होली मिलन समारोह कु आयोजन करेगे। ये समारोह म समाज का कै प्रबुद्ध लोग उपस्थित छाया। खचाखच भ्वर्यों हाल म लोगों ला खूब तन्मयता से होली का गीतों कु आनन्द ल्हे। खासकर उत्तराखण्ड बिटिन होल्यारों की टीम द्वारा बि शिरकत करेगे। उत्तराखण्ड लोक मंच दिल्ली एनसीआर म काफी वर्षों बिटिन होली, मकरैणी जना आयोजन लगातार उर्याणु चा। वांका दगड़ी मंच की अलग उत्तराखण्ड राज्य स्थापना म बि सक्रिय योगदान रै।
बरिष्ठ समाजसेवी व अग्रणी उत्तराखण्ड राज्य आंदोलनकारी उत्तराखण्ड लोक मंच का अध्यक्ष बृजमोहन उप्रेती ला बोलि कि हमरी कोशिश च की हम अपरी नै पीढ़ी तैं अपरी पौराणिक संस्कृति व सामाजिक सरोकारों से जोड़ी रखां। समाज का खातिर मंच लगातार काम कनू च। सामाजिक सरोकारों म मंच सदन्नी सौब से अगनै खड़ु रैंद। आज कु यु आयोजन बि यीं दिशा म एक प्रयास च। श्री उप्रेती ल बोलि कि हमुन आज राठ बिटिन होल्यारों की टीम बुलाईं चा ताकि लोगों तैं पता चाल कि हमारा गौं म अज्यों बि होल्यार कना गीत लगौदन होली का।
बृजमोहन उप्रेती उत्तराखण्ड राज्य का अग्रणी आंदोलनकारियों म छन। राज्य प्राप्ति का वास्ता वूंला संसद म परचा बि फेंकीन कि हमरी बात सुणा। हम तैं अलग राज्य चैन्द। समाज का खातिर बृजमोहन उप्रेती जी कु योगदान अग्रणी च। उत्तराखण्ड राज्य की स्थापना का बाद उत्तराखण्ड लोक मंच लगातार सामाजिक सरोकारों का खातिर काम करणु च। यी कारण च कि दिल्ली एनसीआर समेत उत्तराखण्ड व विदेशों म बि मंच अपरा सरोकारों का खातिर लोगों से सहयोग करणु च।
उत्तराखण्ड लोक मंच का महासचिव पवन कुमार मैठाणी ल बोलि कि उत्तराखण्ड लोक मंच की कोशिश च किहम अपरा लोक जीवन व सामाजिक सरोकारों से जुड्यां रौ। ये का खातिर
आज का ये आयोजन म समाज का कै प्रबुद्ध लोगों ल शिरकत कैरी जौं म कै साहित्यकार, समाजसेवी व प्रबुद्ध लोग उपास्थि छाया। जौं म सर्वश्री जिला जज (गाजियाबाद) विनोद रावत, सीनियर अधिवक्ता संदीप शर्मा, इंस्पेक्टर पी.एस. नेगी, गढ़वाल हितैषिणी सभा के अध्यक्ष सूरत सिंह रावत एवम महासचिव पवन मैठानी सहित समस्त कार्यकारिणी, फिल्म अभिनेता राकेश गौड़, मुकेश हिन्दवान, डॉक्टर शरद पांडे, वरिष्ठ कांग्रेसी नेता लक्ष्मण सिंह रावत, आर.पी.चमोली, पी. एन. शर्मा, संजय जोशी, चारू तिवारी, नीरज बवाड़ी, खुशहाल सिंह बिष्ट, नवभारतटाइम्स पत्रकार पूनम बिष्ट, वीरेन्द्र सिंह नेगी, राकेश बुडाकोटी, प्रभाकर पोखरियाल, साहित्यकार रमेश चन्द्र घिल्डियाल ‘सरस’, दीनदयाल बन्दूणी दीन, दर्शन सिंह रावत, दिनेश ध्यानी, बृजमोहन वेदवाल, वीरेंद्र जुयाल उपरि, निर्मला नेगी, जगमोहन सिंह रावत जगमोरा, मीना कंडवाल ,रेनू उनियाल, शैलेन्द्र सिंह नेगी, आदि उपस्थित छाया।
कार्यक्रम म वरिष्ठ लोक गायक सत्येन्द्र फरंडियाल व सर्वेश्वर बिष्ट की टीम द्वारा भौत बढ़िया होली का गीत गै न। यां का अलावा राठ हुल्यार टीम व दिल्ली एनसीआर टीम खास होली गीत गैन। कार्यक्रम क खास बात य रया क भारी संख्या में मातृ शक्ति ने ये कार्यक्रम मा भाग ल्आ। कार्यक्रम क आखिर मा सब्बी कण उत्तराखंड क स्वादिष्ट भोजन क व्यवस्था छ्या। कार्यक्रम कु सफल मंच संचालन उत्तराखंड लोक मंच क महासचिव पवन मैठाणी न कैरि।
About the Author
