रंत रैबार ब्यौरो…..
देहरादून। मुख्यमंत्री पुष्कर सिंह धामी न जनपद चमोली का बिरही (बेडूबगड़) मा नीति माणा जनजाति कल्याण समिति का तर्फ बटि आयोजित तीन दिनें जनजाति समागम 2026 का समापन कार्यक्रम मा हिस्सा ले।
ये मौका पर मुख्यमंत्री न नीति घाटी भोटिया जनजाति का शीतकालीन प्रवास अर अन्य भूमि संबंधी मामलों कु निस्तारण करे जाण, बेडूबगड़ भोटिया पड़ाव मा सामुदायिक भवन कु निर्माण बैरासकुंड मंदिरों सौंदयोंकरण, बेडूबगड़ पड़ावे भूमि
तैं सुरक्षित कन्ना वास्ता काम करे जाणे घोषणा करि।
मुख्यमंत्री न अपणा संबोधन मा बोलि कि इन आयोजन हमरि जनजातीय परंपरा,
सांस्कृतिक विरासत तैं सहेजणे अर नई पीढ़ी तक पहुंचाणों एक माध्यम छ। जनजातीय समाज न सदियों बटि अपणि परंपरा अर प्रकृति संरक्षणे भावना तैं
पहचाण दिलाणों काम करयूं छ। हमरा सीमांत क्षेत्रों मा रोण वला जनजातीय भाई देश का सजग प्रहरी छन। मुख्यमंत्री न बोलि कि प्रधानमंत्री नरेंद्र मोदी का नेतृत्व मा जनजातीय समाजा उत्थाना वास्ता लगातार प्रयास करे जाणा छन।प्रध ानमंत्री जी का नेतृत्व मा जनजातीय उन्नत ग्राम अभियान एकलव्य आदर्श विद्यालय और कति कल्याणकारी योजना चलै जाणी छन, ज्यांसि जनजातीय समाजे आजीविका मा सुधार ह्वे छ।मुख्यमंत्री न बोलि कि जनजाति समाजा बच्चों तैं शिक्षा का वास्ता प्रेरित कन्न वास्ता प्राइमरी
बटि स्नातकोत्तर स्तर तके छात्रवृत्ति दिये जाणी छ। प्रदेश मा 16 जगहों मा राजकीय आश्रम पद्धति विद्यालय बि चलै जाणा छन। जनजाति रूप्या की आर्थिक सहायता बि दिये जाणी छ। वून बोलि कि जनजातीय संस्कृति तैं प्रोत्साहित कन्ना वास्ता हर साल जनजातीय महोत्सव अर खोल महोत्सवों आयोजन बि करे जाणू छ।
टिम्मरसैंण महादेवा सौंदर्यकरण अर रस्ता को वास्ता 26 करोड़, हीरामणि मंदिरा वास्ता 75 लाख अर मलारी गांव का सामुदायिक स्थला वास्ता 34 लाखे धनराशि दियेगि।
About the Author
