रंत रैबार ब्यौरो….
देहरादून। देश-विदेश बटि जू बि यात्री आला वू धामों मा सुरक्षित अर सुखद दर्शन कर सकनु, यु सरकार सुनिश्चित करली, इतगा जरूर च कि दर्शन व्यवस्था का अनुसार होलि। मिलाजुलां प्रयासों न चारधाम यात्रा तैं और बि ज्यादा सुव्यवस्थित, सुरक्षित अर श्रद्धालु अनुकूल बणै जालू। मुख्यमंत्री धामी न एक बैठक
मा इ बात बोलि। वून बोलि कि चारधाम यात्रा प्रदेशवासियों का वास्ता भौत अच्छा मौका छ। ये दौरान राज्य का लोग देश-विदेश बटि आण वला तीर्थयात्रियों, श्रद्धालुओं कु स्वागत कन्ना दगड़ि वृंका वास्ता व्यवस्था बि करदन। वून बोलि कि चारधाम यात्रा का वास्ता सभ्भि जरूरी तैयारि
चलणी छन। इ तैयारि पिछला साले यात्रा पूरी हूणा बाद ही शुरू ह्वे गे छ।वून बोलि कि यात्रा तैं सुचारू, सुरक्षित अर व्यवस्थित बणाणा वास्ता सड़कों कु सुदृढ़ीकरण, बेहतर अवस्थापना, सुविधाओं कु विकास, दर्शन व्यवस्था, सुरक्षा प्रबंधन अर परिवहन व्यवस्था पर विशेष ध्यान दिये जाणू छ।
यात्रा मार्गो परे पेयजल, शौचालय, स्वास्थ्य सेवाओं की उपलब्ध ता अर बेहतर यातायात प्रबंधन का वास्ता अधिकारियों तैं निर्देशित करेगि। मुख्यमंत्री न बोलि कि पिछला साल आपदा का कारण चारधाम यात्रा डेढ़ मैना सि ज्यादा रूकी रे। यांका बावजूद 51 लाख से ज्यादा श्रद्धालुओं न चारों धामों मा दर्शन करिन।
About the Author
