कविता……
(अर्चना गौड़)
जो बीज बूत, वु जमणु नी निरभगि हथ जसिलु हूंणु नी खैड़ कट्यार सि भमकणी जिंदगी सुखिलो सुखौ बीज पनपुणूं नी जो बीज बूति वु जमणु नीं
छैदिका भि छौं निछौंदा हूंणा ज्वागम लिख्यूं मिटणु नी सुखिला दिनों आस, आस हि रैगे खैरिका दिन विधाता कटणु नी घनाघोर दुखों बादल कब तक फटाळा सुखिलो सरग बरखणु नी। जो बीज बूति वु जमणु नी सुखिलो सुखो बीज पनपुणूं नी
आशा है मा दिन कटाना जोग-भागा ताळु खुलणु नी उगतानियों मा दिन सरकना भाग्य दगड़म हितं नी जो बीज बुत वु जमनु नी सुखिलो सुखौ बीज पनपुणु नी।
About the Author
