सावधान! नजर मा छन आपः अनाधिकृत जगह पर कूड़ा फैंकला त चलान होलु
रंत रैबार ब्यौरो
देहरादून। जिलै मं सिंगल यूज प्लास्टिक का इस्तेमाल अर अनधिकृत ढंग सै कूड़ो डंप करणा पर रोक लगौण खातिर जिलाधिकारी डॉ. आशीष चौहान न अधिकारीह कु कड़ा निर्देश दे। एक समीक्षा बैठक म वून सुप्रीम कोर्ट अर हाईकोर्ट का आदेशों कु सख्ती से लागू करौण का निर्देश देनि।
बाजार में प्रतिबंधित सिंगल यूज प्लास्टिक पहुंचौण वाल सप्लाई नेटवर्क कु भी चिन्हित करि उन पर कड़ी कार्रवाई कन्न कु निर्देश देनि।
जिलाधिकारी न सब्बै एसडीएमों कु जिलै भर म बल्क वेस्ट जनरेटर अर अनधिकृत डंपिंग साइट चिन्हित कन्न का आदेश दे।
जिलाधिकारी न नगर निगम अर सब्बै नगर निकायों तै भी उपलब्ध साधनों कु पूरा इस्तेमाल करि अभियान तै तेज कन्न कु निर्देश दे। जिलाधिकारी न साफ बोलि कि साधन होण का बावजूद अगर प्लास्टिक
कूड़ा निस्तारण में लापरवाही मिली त जिम्मेदारी संबंधित अधिकारी-कर्मचारी की होली। ब्लॉक अर न्याय पंचायत स्तर पर दी गई कॉम्पेक्टर मशीनों की भी जिलाधिकारी न जानकारी ले। कालसी क्षेत्र में कॉम्पेक्टर तक कूड़ो पहुंचौण मं परेशानी अर ज्यादा खर्चा होण की शिकायत पर जिलाधिकारी न साइट चुनण में लापरवाही कन्न वाल टीमे खिलाफ दंडात्मक कार्रवाई करणा का हुकम दे।
जिलाधिकारी न बोलि कि सिंगल यूज प्लास्टिक की समस्या कु खाली चालान अर कार्रवाई करि खत्म नि करी सकदै। यांकु स्थायी हल तबि निकली सकदु जब लोगों का व्यवहार में बदलाव आऊं।
वून आम जनता कु प्लास्टिक सै पर्यावरण अर इंसान की जिंदगी पर पड़ण वाल नुकसान बारै जागरूक कन्न अर प्लास्टिक का बदला मं पर्यावरण-अनुकूल सामान इस्तेमाल कन्न पर जोर दें।
नगर निगम देहरादून का 100 वाडौँ खातिर तैनात सेक्टर अधिकारियों तैं अपणा-
अपणा वार्ड म सघन चेकिंग अभियान चलौण का निर्देश देनि। साथ ही लोगों हैं जागरूक कन्ना का काम भी तेज कन्नु कु बोलि।
बैठक म अपर जिलाधिकारी (वि.रा.) केके मिश्रा, एसडीएम विनोद कुमार, एसडीएम अपर्णा ढौंडियाल, परियोजना निदेशक विक्रम सिंह, ज्वाइंट कमिश्नर राज्य कर अजय कुमार सिंह, एमएनएसए डॉ. आनंद, डीपीओ जितेंद्र कुमार, जिला अर्थ अर संख्याधिकारी एसके गिरी, एडीपीआरओ संजय बडोनी, एमएमए जिला पंचायत सतीश त्रिपाठी समेत खंड विकास अधिकारी, नगर निगम, नगर पालिका अर नगर पंचायतों का अधिकारी मौजूद रैनि।
About the Author
