देहरादून। युवाँ तें नशे की जाल से बचौण अर मादक पदार्थों कु अवैध कारोबार पर रोक लगौण खातर जिला प्रशासन अब सख्त कदम उठोलू। जिलाधिकारी डॉ. आशीष चौहान की अध्यक्षता मा जिला स्तरीय नारकोटिक्स को-ऑर्डिनेशन समिति की बैठक मा नशे की मांग अर आपूर्ति, दुयूं पर प्रभावी कार्रवाई कन्ना का निर्देश दियै ग्ये। ड्रग्स टेस्टिंग खातर उपकरणों की कमी दिखद जिलाधिकारी न मौके पर ही द्वी नई सलाइवा बेस्ड टेस्टिंग मशीन खरीदण खातर धनराशि मंजूर करी।
जिलाधिकारी न बोलि कि स्कूल अर कॉलेजों मा पढ़ण वाला विद्यार्थी नशे की तस्करी कन्न वलो का आसान निशाना बणि जांदन। युर्वी हैं। ये खतरा से बचौण खातर सब्बै शिक्षण संस्थानौं मा व्यापक जनजागरूकता कार्यक्रम चलै जावन। नशे का शारीरिक, मानसिक, सामाजिक अर आर्थिक नुकसानों की जानकारी दिण का साथ ड्रग्स
टेस्टिंग अभियान भी चलै जावन। हर शिक्षण संस्थान मा हर महीना एक दिन तय करी छात्र-छात्रौँ कु नशामुक्ति की शपथ दिलाई जाव।
वून बोलि कि नशे कु अवैध कारोबार जड़ से खत्म कन्ना खातिर यांकि मांग पर रोक लगौण जरूरी च। जब लोग जागरूक होलां अर नशे से दूर रौलां, तब्बै तस्करों कु नेटवर्क कमजोर पड़लू ।
जिलाधिकारी न सब्बै उपजिलाधिकारियों कु संबंधित थाना प्रभारियाँ का दगड़ि अपणा-अपणा इलाकौं मा नशामुक्ति केंद्रौं, शिक्षण संस्थानौं इनौं का आसपास की मलिन बस्तियों कु निरीक्षण कन्ना का निर्देश देनि।
नशे की चपेट मा आए लोगों सि बातचीत करी वू कु अनुभव अर जानकारी ली जाव। यांसि मिलण वाला सुरागौं का
आधार पर नशे का नेटवर्क की कड़ियां जोड़ि तस्करों का खिलाफ कार्रवाई करै जाव। अवैध खेती मिलण पर पटवारी अर ग्राम विकास अधिकारी जिम्मेदार ठहराला । जिलाधिकारी न जिला का दूर-दराज का ग्रामीण इलाकौं मा भांग की अवैध खेती नष्ट करणा खातर विशेष अभियान चलौण का निर्देश देनि। कल्याणपुरी मा भांग की खेती होण की शिकायत मिलण पर आबकारी विभाग की टीम मौके पर पौंछि अर खेती नष्ट करवै। मामले मा
About the Author
