खिमा  बडा (खिमा  नंद शाह जी ) : जसपुरा सच्चो राजदूत 

   मेरी दृष्टि से सुनार खिमा  बडा ( खिमा  नंद शाह जी  ) जसपुरौ सच्चो दूत छा।

  सुनार खिमा  बडा ( खिमा  नंद शाह जी  ) जसपुर म  समृद्ध  परिवारा छा।   सुनार खिमा  बडा ( खिमा  नंद शाह जी  ) क पुरखों तैं ग्वील -जसपुरा पधान टिहरी से लैन अर  जसपुर म बसाई।   सुनार खिमा  बडा ( खिमा  नंद शाह जी  ) क पुत्र श्री बीरु जी बुल्दन  बल तभी तो हमर जमीन हमर कब्जा म छे (कब्जेदार )  अर नाकि सिरतान या खैकर .

    छरहरा बदन  का, तार वळ चश्मा का    सुनार खिमा  बडा  (खिमा  नंद शाह जी  ) की सुनारगिरि खूब चलदी छे अर  ढांगू म पाली क अलावा सुनार जसपुर म ही छा।  तो  खिमा  बडा  (खिमा  नंद शाह जी )  की आय थीकि छे  ।

     खिमा  बडा ( खिमा  नंद शाह जी ) का तीन बेटा छा स्वर्गीय मुरारी लाल जी , बीरु दा  अर बच्चू लाल शाह।  बच्चू दा  म्यार सहपाठी छौ जब लखनऊ म च।

  खिमा  बडा  अर  बीरु  दा  सब प्रकारा सोना चांदी क आभूषण निर्माण करदा  छा।  गुलबंद निर्माणा    तो विशेषज्ञ छा।

तौंक  अण साळ  घर म उबर म छे अर बैठक हुक्का पींदा छा।

      खिमा  बडा ( खिमा  नंद शाह जी  ) क दगड़  सुनारौ कार्य बीरु दा  सुनारगिरि करदो छौ।  अब बीरु  दा न यु कार्य छोड़ दे।

   मुरारी दा क ब्यौ से ही डोला  पालकी शुरू ह्वे।

    खिमा  बडा ( खिमा  नंद शाह जी  ) ईमानदार सुनार मने  जांद  छा।  बड़ो  तिबारीदार कूड़ छौ।

     खिमा  बडा ( खिमा  नंद शाह जी  ) भैर  कखि दुसर  गाँव जांद  छा तो उख  यदि जसपुर की बेटी हो तो वीं  तैं  दुअन्नी , चवन्नी  या रुपया  (मंहगाई अनुसार कीमर बढ़दी  गे ) भेंट  अवश्य दींदा छा अर  तभी तो वूं  तैं न जसपुरा दूत मने जांद छौ।

    सन  सहत्तर  उपरान्त पलायन म भौत वृद्धि ह्वे  तो  खिमा  बडा ( खिमा  नंद शाह जी  ) क सुनार उद्यम पर भी प्रभाव पोड़।  एक तो लोक  संख्या कम  ह्वे  गे  छा अर  लोग मैदान म जाण  गीज  गे छा तो रेडी मेड  गहणा  गाँव म प्रचलित ह्वे  गे छा।

  खिमा  बडा (खिमा  नंद शाह जी ) को देहवसानो उपरांत  बीरु  दान सुनारगिरि छोड़ दे छौ।

  खिमा  बडा (खिमा  नंद शाह जी )  जन कलाकारों को ही कारण  दुसर  क्षेत्रों  म बि   नाम छौ   अर  जसपुर  से  निर्याय हूंद छौ।

     खिमा  बडा ( खिमा  नंद शाह जी  ) सुरक सुरक बुलण वळ , ईमानदार , जसपुर क धर्म निभाण  वळ मनिखाक रूप म याद करे जाल।