रंत रैबार ब्यौरो…...
(अर्चना गौड़ )
जो बीज बूत, वु जमणु नी निरभगि हथ जसिलु हूंणु नी खैड़ कट्यार सि भमकणी जिंदगी सुखिलो सुखौ बीज पनपुणूं नी जो बीज बूति वु जमणु नीं
आस-उम्मीद मा दिन कटेणा जोग-भागा ताळु खुलणु नी खींचाताणियों मा दिन सरकणा भाग्य दगड़म हिटणुं नी जो बीज बूत वु जमणु नी सुखिलो सुखौ बीज पनपुणूं नी
छैदिका भि छौं निछौंदा हूंणा ज्वागम लिख्यूं मिटणु नी सुखिला दिनों आस, आस हि रैगे खैरिका दिन विधाता कटणु नी घनाघोर दुखों बादल कब तक फटाळा सुखिलो सरग बरखणु नी। जो बीज बूति वु जमणु नी सुखिलो सुखो बीज पनपुणूं नी
About the Author
