रमेश हितैषी
दिल्ली। बिगत चार वर्षों कि तर्ज फर ये वर्ष बि ‘आदलि कुशलिं’ परिवार का तरफा बिटि 21-22 जून 2026 खुणि जिला पंचायत हाल पिथौरागढ़ मा द्वी दिवसीय पांचों कुमाउनी भाषा सम्मेलन आयोजित करे गे। ये कार्यक्रम का मुख्य अतिथि ब्रिगेडियर धीरेश जोशी जी का दगड़ पहरु संपादक डॉ हयात सिंह रावत आयोजन समिति का संरक्षक अशोक पंत अर विशिष्ठ अतिथि डॉ परमानन्द चौबे व आयोजन की सूत्रधार आदलि कुशलि संपादक डॉ सरस्वती कोहली जी द्वारा दीप प्रज्वलित कैक कार्यक्रम की सुरुवात करि. स्थानीय कलाकारों द्वारा स्वागत गीत का रूप मा डॉ सरस्वती कोहली द्वारा रचित
कमाऊँनी…..
गीत गैक अतिथि स्वागत करि. लगभग छै सात सत्रों मा सूचीवद्ध ये कार्यक्रम मा लगभग हर मुद्दा फर सार्थक चर्चा ह्वे। जैमा कुमाउनी भाषा तैं अगनै बढ़ाण का वास्ता समेकित प्रयास पर उद्घाटन सत्र मा वक्ताओंल बोलि कि भाषा तैं जीवति रखणा का वास्ता सरकार अर जनता द्वी कड़ियों की बराबर की भूमिका च. सरकार
पलायन फर रोक लगै साकलि त लोग अपणा गर्गों में रै सकला। वेका बाद ग्रामीण अपणि भाषा बोलिक नै पीढ़ी हैं सिखाला पर इनु नि हूणुच। पलायन बढ़णु च गाँ खालि हूण लग्यां छि. दुःखकि बात च कि मजबूरी मा ही सै पर गौं का लोगों फर बि हिंदी अर अंग्रेजी कु भूत सवार च.
विशेष बिन्दु जन कुमाउनी भाषा तैं अगनै बढ़ाण का वास्तां सामाजिक प्रशासनिक अर राजनीतिक इच्छा सक्ति, पूर्वी पश्चिमी बोली मा शब्दगत विभेद परस्पर सम्मान और स्वीकार्यता को सवाल, आठवीं अनुसूची मा मान्यता का वास्ता मानक और हमरा प्रयास, कुमाउनी भाषा थें अगनै बढ़ाण मा मातृ सक्ति कु योगदान, हमरि नै पीढ़ी अर हमरि दुदबोलि, स्वतन्त्रता आंदोलनक दौर मा कुमाउनी बोली भाषा को योगदान जना जरूरी मुद्दों फर विद्वानोंल अपणा अपणा विचार प्रस्तुत करिन।
उद्घाटन सत्र मा डॉ अशोक पंत जिल बोलि कि हमरि भाषा कु संवर्धन नि हूणकु यु बि भौत ठुल कारण च कि हमरि बोली भाषा का वास्ता हमरि सरकार दगड़ हमरा जनप्रतिनिधि भी उदासीन छि. यौं लोगोंल कवि वि अपणि भाषा का वास्ता विधान सभा या लोकसभा मा सवाल त क्या पर जिक्र तक नि करि. भाषा थें आठवीं अनुसूची मा शामिल करणा कु अधिकार केंद्र सरकारक पास च पर वेका वास्ता पैलि प्रस्ताव विधान सभा बिटि प्रस्तुत हूण छौ जो आज तक नि हे।
ये कार्यक्रम मा दिल्ली का आलावा उत्तराखंड और नेपाल बिटि साहित्यकार उपस्थित छया. सव्या साहित्यकारोंल एक सुर मा कुमाउनी गढ़वाली भाषा थें संविधान की आठवीं अनुसूची मा शामिल करणा का खातिर मांग उठै. सम्मेलन मा राज्य सरकार और केंद्र सरकार तैं ज्ञापन दीणकि बि बात करि।
About the Author
