रंत रैबार व्यूरो दिल्ली
दिल्ली। एनसीआर स्थित उत्तराखंड (गढ़वाल ) का प्रवासियों की लब्ध-प्रतिष्ठित सामाजिक व वरिष्ठ सामाजिक संस्था गढ़वाल हितैषिणी सभा ला सभा अध्यक्ष सूरत सिंह रावत व महासचिव पवन कुमार मैठानी का नेतृत्व म उत्तराखंड क मुख्यमंत्री पुष्कर सिंह धामी तैं चाणक्य पुरी स्थित उत्तराखंड निवास म अभी हाल ही म उत्तराखंड का विभिन्न क्षेत्रों मुख्य रूप से धराली व थराली म प्राकृतिक आपदा म पीड़ित परिवारों की सहायतार्थ मुख्यमंत्री आपदा राहत कोष म तीन लाख इक्कावन हजार रुपए का चैक मुख्यमंत्री तैं सौंपी।
गढ़वाल हितैषिणी सभा का शिष्टमंडल म सभा अध्यक्ष आदरणीय सूरत सिंह रावत, महासचिव पवन कुमार मैठानी, कोषाध्यक्ष धीरेन्द्र सिंह रावत, सांस्कृतिक सचिव एडवोकेट वीरेन्द्र सिंह नेगी कार्यकारिणी सदस्य प्रताप सिंह महर व सीमा गुसांई आदि शामिल छाया ।
सभा महासचिव पवन कुमार मैठानी न बोलि कि बताया कि मुख्यमंत्री धामी जी ला गढ़वाल हितैषिणी सभा भूरि-भूरि प्रसंशा करदा बोलि कि प्रवासियों की लोगों की अपणा उत्तराखण्ड का प्रति समर्पण की भावना ही च कि आप लोग दिल्ली जना महानगर म रैणा बावजूद उत्तराखण्ड की हर आपदा म सहयोग करदन। मातृ-भूमि की सेवा म ये से बडु उदहारण क्वी नी । महासचिव पवन मैठानी ला मुख्यमंत्री धामी तैं बताई कि गढ़वाल हितैषिणी सभा हमेशा से ही आपदा पीड़ितों की सहायतार्थ सहयोग करणी रैन्द चा वो उत्तरकाशी म भूकंप हो या केदारनाथ आपदा हो या ये साल धराली-थराली म प्राकृतिक आपदा हो, सभा ल हर समय अपने सामाजिक दायित्वकु निर्वहन कैरी व अगनै बढिकी सहयोग कैरी।
गढ़वाल हितैषिणी सभा अध्यक्ष सूरत सिंह रावत ल बोलि कि गढ़वाल हितैषिणी सभा ला उत्तराखंड म आयी प्राकृतिक आपदा तैं मध्य नजर रखद हुए सभा म अलग से एक आपदा राहत कोष स्थापित कैरी । जैम सभा सदस्यों से ऑन लाइन दान देण कि अपील करेगे । हमतैं प्रसन्नता च कि सभा सदस्यों व अन्य सामाजिक संस्थाओं ला सभा क आपदा राहत कोष म दिलखोलिकी दान देन ।
सभा कोषाध्यक्ष धीरेन्द्र सिंह रावत ल बोलि कि सभा तैं 80G की सुविधा प्राप्त छ , जिससे सभा का आपदा राहत कोष म दान देण वलों तैं 80G तहत आयकर म छूट मिलली । ज्ञातव्य हो कि गढ़वाल हितैषिणी सभा ला हाल ही म अपणा सौ साल पूरा करिन। दिल्ली म सौ साल की एक द्वी संस्थाओं म गढ़वाल हितैषिणी सभा अग्रणी संस्था च जैकु अपरु भवन च अर सभा भाषा, साहित्य, रंग मंच, संस्कृति व सामाजिक सरोकारों खुणि लगातार काम करणी च। एक सामाजिक संगठन हूणा बाद भि सभा लगातार अगनै बढ़णी च। सभा की वर्तमान कार्यकारणी लगातार सामाजिक सरोकारों खुणि लगातार काम करणी च।
गढ़वाल हितैषिणी सभा की स्थापना आज से एक सौ द्वी साल पैली वर्तमान पाकिस्तान का क्वेटा करांची म ह्वे छै। वेका बाद सभा आजादी का बाद शिमला ऐगे छै। फिर कुछ समय बाद दिल्ली म सभा न अपरु कार्य शुरू कैरी। दिल्ली म सभा कु भवन उत्तराखण्ड समाजा एक सामाजिक, सांस्कृतिक केंद्र का रूप प्रसिद्ध च।
About the Author
