Oplus_16908288
रंत रैबार ब्यूरो
देहरादून। राज्य का मानव वन्य जीव संघर्ष क मामलों मा गंभीरता दिखांद मुख्यमंत्री पुष्कर सिंह धामी न कति महत्वपूर्ण कदम उठाणै घोषणा करि जै मा सोलर फेसिंग अर सेंसर वेस्ट अलर्ट सिस्टम लगाण की बात बोलिगि दगड़ा हि वन्यजीव बाध्याकरण (नसबंदी) केन्द्र अर हर जिलों मा रिहेबिलिटेशन सेंटर खोले जाणौ की बात वि बोलेगे। वुनै वन मंत्री सुबोध उनियान न वन मुख्यालय मा आयोजित समीक्षा बैठक मा मानव-वन्यजीव संघर्ष हैं प्रभावी ढंग सि कम कन्न वास्ता ठोस अर समयबद्ध कार्य योजना पर अमल कन्न, शीतकालीन पर्यटन वास्ता एसओपी तैयार कन्न, विभागीय कामों हैं गुणवत्ता का दगड़ि
टैम-टैम पर पूरू कन्न अर बणंग की रोकथाम वास्ता अबि बटि तैयारि कन्न का निर्देश अधिकारियों हैं देनि।
वून अधिकारियों तें निर्देश देनि कि संवेदनशील क्षेत्रों मा विशेष निगरानी रखी जाव अर स्थानीय लोगुं का दगड़ि समन्वय
बणै कि मानव-वन्यजीत संघर्ष की घटनाओं तें न्यूनतमक करै जाव, साथ ही वून वन सुरक्षा, संरक्षण अर विकास
सि जुड्यां कामों मा पादर्शिता अर जवाबदेही सुनिश्चित कन्न का भी निर्देश देनि। वनमंत्री न बोलि कि शासन स्तर पर जु बि निर्णय लिया जाणा छन वुकु प्रभावी ढंग सि अनुपालन सुनिश्चित करै जाव। श्री उनियाल न बोलि कि वन्यजीव की दृष्टि सि संवेदनशील क्षेत्रा का कैमरा का माध्यम सि निरंतर निगरानी रखे जाव। दगड़ा हि स्थानीय स्तर पर जन प्रतिनिधियों अर गौं का लोगू का दगड़ि संवाद निरंतर बैठै रखुन। पम्पलेट, बैनर, होर्डिंग्स अर सोशल मीडिया का माध्यम सि वन्य जीवों सि बचाव वास्ता आम नागरिकों तैं जागरूक करै जाव। आबादी क्षेत्रों बटि जानवरों तैं दूर भगाण वास्ता आधुनिक उपकरणों सहित सोलर लाइट, पिंजरा आदि कु उपयोग कन्नै की जाणकारी दिये जाव।
About the Author
