सुरक्षित, सरल अर सुगम दर्शन वास्ता विशेष बजट प्रावधान करयूं छः द्विवेदी

रंत रैबार ब्यूरो….

देहरादून। चारधाम यात्रा अप्रैल मैना बटि बटि शुरू होणी छ। बद्रीनाथ धाम का कपाट 23 अप्रैल अर केदारनाथ धाम का कपाट 22 अप्रैल तँ खुलला जबकि गंगोत्री यमुनोत्री धाम का कपाट अक्षय तृतीय 19 अप्रैल तैं खुली जाला।

बद्रीनाथ केदारनाथ मंदिर समिति का अध्यक्ष हेमंत द्विवेदी कु वुन्न छ कि हमरू उद्देश्य श्रद्धालुओं तैं सुरक्षित, सरल अर सुगम दर्शन करूाण छ। यांका वास्ता बजट मा आवश्यक प्रावधान कर्या छन। वून बोलि कि अधिकारियूं तैं निर्देश दियां छन कि यात्रा पूर्व सबि तैयारियां समयबद्ध ढंग से पूरी करै जावन। श्री द्विवेदी न बतै कि मंदिर समिति की एक बैठक मा गैर सनातनियों का प्रवेश संबंध प्रस्ताव ध्वनीमत सि पास है। यांका अलावा सबि धामों मा निर्धारित दूरी तक ही मोबाइल लेजै सकदन। मंदिर परिसर मा पूर्वतय मोबाइल पर प्रतिबंध छ।

चारधाम यात्रा खुण ये साल श्रद्धालु कुछ जादा हि उत्साहित दिखेणा छन। स्थिति या छ कि यात्रा शुरू होण मा अबि करीब एक मैना बाकी छ पर अबि बटी यात्रा मागों पर पड़न वळा कस्बा अर शहरों का होटलों मा एडवांस बुकिंग शुरू हवे चुकि ग्ये।

हरिद्वार-ऋषिकेश से ल्हेकि चारधाम तक पड़न वळा होटल व्यवसायूं को बोनु छ कि वो ये साल यात्र्यूं अर सैलान्यू मा अति उत्साह दूद्यखणा छन।

बतै जांद कि गंगोत्री अर यमुनोत्री धाम स्थित होटल अर गेस्ट हाऊस काफी बुक ह्वे चुकि ग्येनि। यांक अलावा बदरीनाथ अर केदारनाथ धामों अर वखा यात्रा मागों होटल अर गेस्ट हाऊस समेत धर्मशालों मा यात्र्यों न अग्रिम बुकिंग करै जाणी छ। यांसे उत्साहित होटल उद्यम्यूं मा उत्साह का माहौल छ। चूंको मनणु कि जल्दी ही ये व्यवसाय मा उछाल सकद। छ ऐ

दरसल गंगोत्री यमुनोत्री धाम जाण वळा यात्री उत्तरकाशी का होटलों अर गेस्ट हाउसों पर निर्भर रैंदन। किलै कि बदरीनाथ-केदारनाथ कि यात्रा कैरी यात्री सीधा समुनोत्री औंदन अर वांक बाद वो गंगोत्री का दर्शन का वास्ता निकळ जांदन। अब चूंकि यमुनोत्री बटी गंगोत्री औणौ उत्तरकाशी मा रात वैरण पड़द। किलै कि अगनै कि यात्राखुण देर होण से यखि

रूकण बाद हँका दिन सुबेर गंगोत्री जो कि उत्तरकाशी बटी एक सौ किलोमीटर दूर छ का वास्ता यात्रा शुरू कर दिंदन। यांक बाद यात्रा कैरी जब वापस औंदन त उत्तरकाशी मा हि नाइट हॉल्ट कन पड़द।

अबैदां स्थिति उत्साहजनक होणै संभावना का चल्द होटल-गेस्ट हाउस व्यवसायी अबि बटी तयायूं मा लग ग्येनि। होटल कमरों कि व्यवस्था दुरूस्त करे

जाणी छ। कमरों मा रंग रोगन होणू छ। बिजली आदि कि मरम्मत अर साफ सफै मा लग्यां मजदूरों तैं काम से फुर्सत नी छावुनै होटल व्यवसायी संघ बदरीनाथ का मुताबिक वख मई-जून का वास्ता होटलों कि एडवांस बुकिंग शुरू हवे चुकि ग्ये। हालांकि यात्रा सीजन शुरू होण मा अबि एक मैनों कि देरी छ पर फिर अबि तक काफी बुंकिग हवे चुकि ग्ये। होटल व्यसायूं को बोनु छ कि दिल्ली-मुंबई समेत देश का तमाम हिस्सों बटी यात्र्यों का फोन औणा छन कुछ एडवांस बुकिग कना छन त कुछ जाणकारी हासिल कना छन। चारधाम यात्रा सुचारू अर निर्बाध संपन्न करौणो यात्रामागों पर पड़न वळा जिला मुख्यालयों मा पुलिस प्रशासन मुस्तैद होणू छ। बुनै उत्तरकाशी, रूद्रप्रयाग अर चमोली जिलो का एसएसपी न पुलिस कर्मचार्यों हैं आदेश दिनिन कि चारधाम यात्रा कि तयारी खुण अतिरिक्त सतर्कता बरते जाव।